Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

ଭାଷଣ ଦେବାବେଳେ ହାର୍ଦ୍ଦିକ ପଟେଲଙ୍କୁ ମଞ୍ଚକୁ ଆସି ପିଟିଲେ ଯୁବକ


ଅହମଦାବାଦ: ନିର୍ବାଚନୀ ପ୍ରଚାର ସମୟରେ ସଭା ମଞ୍ଚରେ ଭାଷଣ ଦେଉଥିବା ସମୟରେ କଂଗ୍ରେସ ହାର୍ଦ୍ଦିକ ପଟେଲଙ୍କୁ ଚାପୁଡ଼ା ମାଡ଼ ଖାଇବାକୁ ପଡ଼ିଛି। ଗୁଜରାଟର ଅହମଦାବାଦର ସୁରେନ୍ଦ୍ରନଗର ବଢୱାନରେ ଶୁକ୍ରବାର ଏଭଳି ଏକ ଅପ୍ରୀତିକର ଘଟଣା ଘଟିଛି। ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ଭିଡିଓରେ ଦେଖିବାକୁ ମିଳିଛି ଯେ, ବଢୱାନରେ ହାର୍ଦ୍ଦିକ ପଟେଲ ଏକ ନିର୍ବାଚନୀ ସଭାରେ ଭାଷଣ ଦେଉଥିଲେ। ଏହି ସମୟରେ ଜଣେ ବ୍ୟକ୍ତି ମଞ୍ଚ ଉପରକୁ ଉଠିଯାଇଥିଲେ। ହାର୍ଦ୍ଦିକ କିଛି ବୁଝିବା ଆଗରୁ ସମ୍ପୃକ୍ତ ବ୍ୟକ୍ତି ତାଙ୍କୁ ଏକ ଶକ୍ତ ଚାପୁଡ଼ା ମାରିବା ସହ ଠେଲାପେଲା କରିଥିଲେ। ଏହା ପରେ ସେଠାରେ ଉପସ୍ଥିତ କର୍ମୀମାନେ ସମ୍ପୃକ୍ତ ବ୍ୟକ୍ତିଙ୍କୁ ଧରି ନିସ୍ତୁକ ମାଡ଼ ମାରିଥିଲେ। ସେଠାରେ ଉପସ୍ଥିତ ପୁଲିସ କର୍ମଚାରୀ ଉକ୍ତ ବ୍ୟକ୍ତିଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ।

ଚାପୁଡ଼ା ମାରିଥିବା ବ୍ୟକ୍ତିଙ୍କ ଅବସ୍ଥା ସଙ୍କଟାପନ୍ନ ରହିଛି। ପୁଲିସ ଘଟଣାର ତଦନ୍ତ ଚଳାଇଛି। ହାର୍ଦ୍ଦିକ କହିଛନ୍ତି ଯେ, ମୋତେ ମାରିଦେବାକୁ ବିଜେପି ଚାହୁଁଛି। ସେଥିପାଇଁ ମୋତେ ଆକ୍ରମଣ କରାଯାଇଛି। କିନ୍ତୁ ମୁଁ ଚୁପ୍‌ ରହିବି ନାହିଁ।

Leave a Reply

Your email address will not be published. Required fields are marked *