ବାଲେଶ୍ବର ପ୍ରଦୂଷଣ ନିୟନ୍ତ୍ରଣ ବୋର୍ଡର ଅଧିକାରୀଙ୍କ ଘରୁ ଭିଜିଲାନ୍ସ ଜବତ କଲା ୧୦ ଲକ୍ଷ ଟଙ୍କା

ଭୂବନେଶ୍ବର ୧୦/୧୦: (ସଂକେତ ଟିଭି) ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବାଲେଶ୍ୱର ପ୍ରଦୂଷଣ ନିୟନ୍ତ୍ରଣ ବୋର୍ଡର ଅଧିକାରୀ ନରୋତ୍ତମ ବେହେରାଙ୍କ ଭଡ଼ା ଘରେ ଭିଜିଲାନ୍ସ ଚଢାଉ କରିଛି ।ଏହି ଚଢାଉ ସମୟରେ ନରୋତ୍ତମଙ୍କ ଘରୁ ୧୦ ଲକ୍ଷରୁ ଅଧିକ ଟଙ୍କା ମିଳିଛି ।

ଶନିବାର ବାଲେଶ୍ୱରରୁ ଭଡ଼ା କାରରେ ନରୋତ୍ତମ ଭୁବନେଶ୍ୱର ଫେରୁଥିବା ବେଳେ ଭିଜିଲାନ୍ସ ଟାଙ୍ଗୀ ଠାରୁ ପିଛା କରିଥିଲା । ତାଙ୍କ ଠାରୁ କାରରୁ ୮୯ ହଜାର ଟଙ୍କା ଜବତ ହୋଇଥିଲା । ତେବେ, ଜବତ ଟଙ୍କା ନେଇ ଭିଜିଲାନ୍ସକୁ କୌଣସି ସନ୍ତୋଷଜନକ ଉତ୍ତର ଦେଇ ପାରିନଥିଲେ ନରୋତ୍ତମ । ଗତକାଲି ଭିଜିଲାନ୍ସ ୩ଟା ସ୍ଥାନରେ ରେଡ୍ କରିଥିବା ବେଳେ ଆଜି ତାଙ୍କ ଭଡ଼ା ଘରେ ଚଢ଼ାଉ ଜାରି ରହିଛି ।