ସ୍ମୃତି ଇରାନୀଙ୍କୁ ଛାଡିଲେନି କପିଲ ଶର୍ମା ଶୋ’ର ସିକ୍ଯୁରିଟି ଗାର୍ଡ, ବିନା ସୁଟିଂରେ ଫେରିଲେ ସ୍ମୃତି

ମୁମ୍ବାଇ : (ସଂକେତ ଟିଭି) ଦି କପିଲ ଶର୍ମା ଶୋ’ର ନିର୍ମାତାଙ୍କ ଉପରେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ରାଗିଥିବା ଜଣାପଡିଛି। କପିଲ ଶର୍ମା ସୋକୁ ସ୍ମୃତି ଇରାନୀ ତାଙ୍କ ବହିର ପ୍ରମୋସନ ପାଇଁ ଶୋରେ ପହଞ୍ଚିଥିଲେ। ହେଲେ ତାଙ୍କୁ ଚିହ୍ନି ନପାରି ସିକ୍ଯୁରିଟି ଗାର୍ଡ ସୁଟିଂ ସେଟ୍ କୁ ଛାଡି ନଥିଲେ । ମନ୍ତ୍ରୀଙ୍କ ଡ୍ରାଇଭରକୁ ଗାର୍ଡ ଅଟକାଇ ଭିତରକୁ ଯିବାକୁ ମନା କରିଦେଇଥିଲେ। ଡ୍ରାଇଭର ଏବଂ ଗାର୍ଡଙ୍କ ମଧ୍ୟରେ ବହୁତ ଯୁକ୍ତିତର୍କ ହୋଇଥିଲା କିନ୍ତୁ କିଛି ଲାଭ ହୋଇନଥିଲା। ଯେତେବେଳେ ତାଙ୍କୁ କୁହାଗଲା ଯେ ତାଙ୍କୁ ସୁଟିଂ ପାଇଁ ଡକାଯାଇଛି, ତାଙ୍କୁ କୌଣସି ସୂଚନା ଦିଆଯାଇନାହିଁ ବୋଲି ସେ ଉତ୍ତର ଦେଇଥିଲେ ।

ସେହି ସମୟରେ ଫୁଡ୍ ଡେଲିଭରୀ ବ୍ୟକ୍ତି ସେଠାରେ ପହଞ୍ଚିଥିଲେ, ଗାର୍ଡ ତାଙ୍କୁ ଅଟକାଇନଥିଲେ ଏବଂ ସେ ନ ପଚାରି ଭିତରକୁ ଯାଇଥିଲେ। ଏହା ଦେଖି ସ୍ମୃତି ଇରାନୀ ରାଗିଯାଇ ସେଠାରୁ ଚାଲିଆସିଥିଲେ।

ଯେତେବେଳେ କପିଲ ଶର୍ମା ଏବଂ ପ୍ରଡକ୍ସନ ଏହା ବିଷୟରେ ଜାଣିଲେ, ସ୍ମୃତି ଇରାନୀଙ୍କୁ ମନାଇବା ପାଇଁ ବହୁ ଚେଷ୍ଟା କରିଥିଲେ। ତଥାପି, କିଛି ଲାଭ ହେଲା ନାହିଁ । ଖବର ଅନୁଯାୟୀ, ଯେତେବେଳେ ଗାର୍ଡ ଜାଣିବାକୁ ପାଇଲେ ଯେ ସେ ଯାହାକୁ ଅଟକାଇଛନ୍ତି ସେ କେନ୍ଦ୍ର ମନ୍ତ୍ରୀ, ସେତେବେଳେ ସେ ବହୁତ ନର୍ଭସ ହୋଇ ଫୋନ୍ ସୁଇଚ୍ ଅଫ୍ କରିଦେଇଥିଲେ।

ସୂଚନା ଯୋଗ୍ଯ ଯେ, ଅନେକ ସେଲିବ୍ରେଟି ସେମାନଙ୍କ ଫିଲ୍ମର ପ୍ରମୋସନ ପାଇଁ କପିଲ ଶର୍ମାଙ୍କ ଶୋ’କୁ ଆସିଥାନ୍ତି। ଆଗାମୀ ଏପିସୋଡରେ ଅଭିନେତ୍ରୀ ସ୍ମୃତି ଇରାନୀ ତାଙ୍କ ପୁସ୍ତକ ‘ଲାଲ ସଲାମ’ର ପ୍ରମୋସନ ପାଇଁ ବି ଆସିଥାନ୍ତେ। ତେବେ ବର୍ତ୍ତମାନ ତାଙ୍କ ଆଗମନକୁ ବାତିଲ କରାଯାଇଛି।