ବିଜେପି ସାରା ଦେଶରେ କିରୋସିନି ଛିଞ୍ଚିବା କାମ କରୁଛି, ଥରେ ନିଆଁ ଲାଗିଲେ… : ରାହୁଲ ଗାନ୍ଧୀ

ଲଣ୍ଡନ (ସଂକେତ୍ ଟିଭି) : କଂଗ୍ରେସ ନେତା ରାହୁଲ ଗାନ୍ଧୀ ଶୁକ୍ରବାର ଦିନ ଲଣ୍ଡନର କେମ୍ବ୍ରିଜ ବିଶ୍ୱବିଦ୍ୟାଳୟରେ “ଆଇଡିଆ ଫର ଇଣ୍ଡିଆ” ସମ୍ମିଳନୀରେ ଭାଗ ନେଇଥିଲେ । ଏହି ସମ୍ମିଳନୀରେ କଂଗ୍ରେସ ନେତା ରାହୁଲ ଗାନ୍ଧୀ ଭାରତକୁ ପାକିସ୍ତାନ ସହ ତୁଳନା କରିଛନ୍ତି । ରାହୁଲ ଗାନ୍ଧୀ ଏହା ମଧ୍ୟ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କାହା କଥା ଶୁଣନ୍ତି ନାହିଁ । ସାମ୍ବିଧାନିକ ଅନୁଷ୍ଠାନ ଉପରେ ଆକ୍ରମଣ କ୍ରମାଗତ ଭାବେ ବଢ଼ୁଥିବାରୁ ଦେଶର ଗଣତନ୍ତ୍ର ବିପଦରେ ରହିଛି ।

ଲଣ୍ଡନରେ ଆୟୋଜିତ ଏକ ସମ୍ମିଳନୀକୁ ସମ୍ବୋଧିତ କରିବାବେଳେ ରାହୁଲ ଗାନ୍ଧୀ ପାକିସ୍ତାନ ବ୍ୟତୀତ ଦେଶକୁ ଶ୍ରୀଲଙ୍କା ସହ ତୁଳନା କରି କେନ୍ଦ୍ର ତଥା ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ କରିଛନ୍ତି । ‘ଆଇଡିଆ ଫର ଇଣ୍ଡିଆ’ କନକ୍ଲେଭରେ ଏକ ବୟାନ ଦେଇ ରାହୁଲ ଗାନ୍ଧୀ କହିଛନ୍ତି ଯେ ଭାରତର ଗଣମାଧ୍ୟମ ଗୋଟିଏ ପାର୍ଶ୍ୱରେ ଠିଆ ହୋଇ କାର୍ଯ୍ୟ କରୁଛି ।

ରାହୁଲ ଗାନ୍ଧୀ ଏହା ମଧ୍ୟ କହିଛନ୍ତି ଯେ ଦେଶର ଗଣମାଧ୍ୟମ ନିରପେକ୍ଷତା ନୁହେଁ, ଏହା ମଧ୍ୟ ଗୋଟିଏ ପାର୍ଶ୍ୱରେ ଠିଆ ହୋଇ ଏକପାଖିଆ ଆଚରଣ କରୁଛି । ଚୀନ୍ ସହ ଭାରତର ତିକ୍ତତା ସମ୍ପର୍କରେ ରାହୁଲ ଗାନ୍ଧୀ କହିଛନ୍ତି ଯେ ଲଦାଖରେ ୟୁକ୍ରେନ ପରି ପରିସ୍ଥିତି ଅଛି । ଚୀନ୍ ସୀମାରେ ବିକାଶ କରୁଛି ଏବଂ ପ୍ରଧାନମନ୍ତ୍ରୀ ମୋଦି ଚୀନ୍‌ର ନାମ ମଧ୍ୟ ନେଉନାହାଁନ୍ତି ।

ପ୍ରଧାନମନ୍ତ୍ରୀ ମୋଦିଙ୍କୁ ବିରୋଧ କରି ରାହୁଲ ଗାନ୍ଧୀ କେବଳ ଏଠାରେ ଅଟକି ନ ଥିଲେ । ଆହୁରି ମଧ୍ୟ ସେ ଏହା ମଧ୍ୟ କହିଛନ୍ତି । ‘ବିଜେପି ସାରା ଦେଶରେ କିରୋସିନି ଛିଡକଉଛି । ଏଥର ରାଜ୍ୟଗୁଡିକର କ୍ଷମତା ହ୍ରାସ କରିବା ପାଇଁ ଇଡି, ସିବିଆଇ ବହୁଳ ଭାବରେ ବ୍ୟବହୃତ ହେଉଛି । ଏକ ଆଦର୍ଶ ଭାରତର ସ୍ୱରକୁ ଭାଙ୍ଗି ଦେଇଛି । ବର୍ତ୍ତମାନ ଏହା ଏକ ଜାତୀୟ ଆଦର୍ଶଗତ ଲଢ଼େଇ ।’

ରାହୁଲ ଗାନ୍ଧୀଙ୍କ ଏହି ବୟାନକୁ ଦେଶର ଲୋକଙ୍କ ପ୍ରତି ଅପମାନ ବୋଲି ବର୍ଣ୍ଣନା କରି ବିଜେପି କହିଛି ଯେ ରାହୁଲ ବିଦେଶ ଯାଇ ଦେଶକୁ ନୀଚ ଦେଖାଇଛନ୍ତି ।