ବଦଳିଲା ଭାରତ-ଇଂଲଣ୍ଡ ଟେଷ୍ଟ ମ୍ୟାଚର ସମୟ

ନୂଆଦିଲ୍ଲୀ (ସଂକେତ ଟିଭି): ଭାରତ ଏବଂ ଇଂଲଣ୍ଡ ମଧ୍ୟରେ ଜୁଲାଇ ୧ରୁ ଖେଳାଯିବାକୁ ଥିବା ଟେଷ୍ଟ ମ୍ୟାଚ୍କୁ କ୍ରିକେଟ୍‌ ପ୍ରେମୀ ଚାତକପରି ଚାହିଁ ରହିଛନ୍ତି । ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ଏହା ହେଉଛି ନିର୍ଣ୍ଣାୟକ ମୁକାବିଲା । ଗତ ବର୍ଷ ଖେଳାଯାଇଥିବା ସିରିଜର ଏହା ହେଉଛି ଶେଷ ମ୍ୟାଚ୍ । ଏ ନେଇ ଦୁଇ ଦଳ ପକ୍ଷରୁ ପ୍ରସ୍ତୁତି ଜୋରସୋରରେ ଚାଲିଛି । ଏହା ମଧ୍ୟରେ ଇଂଲଣ୍ଡ କ୍ରିକେଟ୍ ବୋର୍ଡ ମ୍ୟାଚ୍ ସମୟରେ ପରିବର୍ତ୍ତନ କରିଛନ୍ତି । ଭାରତୀୟ ପ୍ରଶଂସକଙ୍କ ପାଇଁ ଇଂଲଣ୍ଡ କ୍ରିକେଟ୍ ବୋର୍ଡ ମ୍ୟାଚରୁ ଅଧା ଘଣ୍ଟା ଆଗରୁ ଆରମ୍ଭ କରିବାକୁ ନିଷ୍ପତ୍ତି ନେଇଛିୟ ଯଦ୍ବାରା ଭାରତୀୟ ସମୟ ଅନୁସାରେ ମ୍ୟାଚ୍ ଖେଳାଯାଇ ପାରିବ ।

ଡେଲିମେଲରେ ପ୍ରକାଶିତ ରିପୋର୍ଟ ଅନୁଯାୟୀ, ଜୁଲାଇ ୧ରୁ ଆରମ୍ଭ ହେଉଥିବା ଟେଷ୍ଟ ମ୍ୟାଚ୍‌ ଏବେ ସ୍ଥାନୀୟ ସମୟ ସକାଳ ୧୦ଟା ୩୦ରୁ ଆରମ୍ଭ ହେବ । ସାଧାରଣତଃ ଇଂଲଣ୍ଡରେ ଟେଷ୍ଟ ମ୍ୟାଚ୍ ପୂର୍ବାହ୍ନ ୧୧ଟାରେ ଆରମ୍ଭ ହୋଇଥାଏ । ତେବେ ସମୟ ପରିବର୍ତ୍ତନ ପରେ ଭାରତୀୟ ସମୟ ଅନୁସାରେ ଟେଷ୍ଟ ମ୍ୟାଚ୍ ଅପରାହ୍ନ ୩ଟାରୁ ଆରମ୍ଭ ହେବ । ପୂର୍ବେ ଏହି ଟେଷ୍ଟ ମ୍ୟାଚ୍ ଭାରତୀୟ ସମୟ ଭାରତୀୟ ପ୍ରଶଂସକଙ୍କ ପାଇଁ ବଡ ନିଷ୍ପତ୍ତି ଅନୁସାରେ ଅପରାହ୍ନ ୩ଟା ୩୦ରେ ଆରମ୍ଭ ହେବାର ଥିଲା । ଯଦି ମ୍ୟାଚ୍ ୩ଟାରୁ ଆରମ୍ଭ ହୁଏ ତେବେ ରାତି ୧୦ଟା ସୁଦ୍ଧା ଖେଳ ଶେଷ ହେବ । ଏହି ନିଷ୍ପତ୍ତି ଏଥିପାଇଁ ନିଆଯାଇଛି କାରଣ ଭାରତରେ ବସିଥିବା ଦର୍ଶକ ସହଜରେ ଦୀର୍ଘ ସମୟ ଧରି ମ୍ୟାଚ୍ ଦେଖି ପାରିବେ ।

ଭାରତରେ ଟେଷ୍ଟ ମ୍ୟାଚ୍ ସାଧାରଣତଃ ପୂର୍ବାହ୍ନ ୯ଟା୩୦ରେ ଆରମ୍ଭ ହୁଏ ଏବଂ ସନ୍ଧ୍ୟା ୫ଟାରେ ଶେଷ ହୁଏ । ମାତ୍ର ଇଂଲଣ୍ଡରେ ଟେଷ୍ଟ ମ୍ୟାଚ୍ ଖେଳର ସମୟ ପୂର୍ବାହ୍ନ ୧୧ଟାରୁ ସନ୍ଧ୍ୟା ୬ଟା ଯାଏଁ ରହିଛି । ଦୁଇ ଦେଶ ମଧ୍ୟରେ ଏକ ମାତ୍ର ଟେଷ୍ଟ ଏଜବାଷ୍ଟନରେ ଖେଳାଯିବ । ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ସଂପ୍ରତି ୨-୧ରେ ଅଗ୍ରଣୀ ହାସଲ କରିଛି ।