ପ୍ରେମିକା ଘର ଆଗରେ ବିଷ ପିଇ ଆତ୍ମହତ୍ୟା କଲା ପ୍ରେମିକ

ବାରିପଦା (ସଂକେତ ଟିଭି) ମୟୁରଭଞ୍ଜ ଜିଲ୍ଲା କରଞ୍ଜିଆ ଥାନା ଅଞ୍ଚଳରେ ପ୍ରେମିକା ଘର ଆଗରେ ପ୍ରେମିକ ଆତ୍ମହତ୍ୟା କରିଛନ୍ତି । ଝିଅଘର ଲୋକେ ଯୁବକଙ୍କୁ ନିଜ ପ୍ରେମିକାଙ୍କୁ ଦେଖା କରିବାକୁ ମନା କରିବାରୁ ସେ ଏଭଳି କାଣ୍ଡ ଭିଆଇଥିବା ଜଣାପଡିଛି ।

ସୂଚନା ଅନୁସାରେ, କରଞ୍ଜିଆ ବଜାର ଅଞ୍ଚଳରେ ରହୁଥିବା ଜନୈକ ମୁସଲମାନ ସମ୍ପ୍ରଦାୟର ଜଣେ ଯୁବତୀଙ୍କୁ ସେହି ସମ୍ପ୍ରଦାୟର ଜଣେ ଯୁବକ ପ୍ରେମ କରୁଥିଲେ । ଜନୈକ ଯୁବକ ଜଣଙ୍କ ମଙ୍ଗଳବାର ସନ୍ଧ୍ୟା ସମୟରେ କରଞ୍ଜିଆରେ ରହୁଥିବା ନିଜ ପ୍ରେମିକାଙ୍କୁ ଦେଖା କରିବା ପାଇଁ ଆସିଥିଲେ । ହେଲେ ଝିଅଘର ଲୋକେ ଯୁବକଙ୍କୁ ଏଥିରୁ ବାରଣ କରିଥିଲେ । ଯାହା ଫଳରେ ପ୍ରେମିକାଙ୍କ ଘର ଆଗରେ ହିଁ ପ୍ରେମିକ ଫିନାଇଲ ଏବଂ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିଲେ । ଏହାପରେ ଯୁବକଙ୍କୁ ସମ୍ପର୍କୀୟ ଉଦ୍ଧାର କରି କରଞ୍ଜିଆ ମେଡ଼ିକାଲରେ ଭର୍ତ୍ତି କରିଥିଲେ । ହେଲେ ମେଡ଼ିକାଲରେ ଚିକିତ୍ସାଧିନ ଅବସ୍ଥାରେ ଯୁବକଙ୍କ ମୃତ୍ୟୁ ହୋଇଥିଲା । ଖବର ପାଇ କରଞ୍ଜିଆ ପୋଲିସ ଶବ ଜବତ କରିବା ସହ ଘଟଣାର ଅଧିକ ତଦନ୍ତ ଜାରି ରଖିଛି ।

ତେବେ ଯୁବକ ଜଣଙ୍କ କାହିଁକି ଆତ୍ମହତ୍ୟା କଲେ ସେ ନେଇ ପୋଲିସ ଛାନଭିନ୍ ଜାରି ରଖିଛି । ପ୍ରେମ ପାଇଁ ଯୁବକ ଜଣକ ଏଭଳି ଆତ୍ମହତ୍ୟା କରିବାକୁ ନେଇ ଏବେ କରଞ୍ଜିଆ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।