୨୦୨୩ ସୁଦ୍ଧା ଭାରତର ଟ୍ରାକ୍ କୁ ଆସିବ ହାଇଡ୍ରୋଜେନ୍‌ ଟ୍ରେନ୍‌

ଭୁବନେଶ୍ବର : (ସଂକେତ୍ ଟିଭି) ୨୦୨୩ ସୁଦ୍ଧା ହାଇଡ୍ରୋଜେନ୍‌ରେ ଚାଳିତ ଟ୍ରେନ୍ ମଧ୍ୟ ଭାରତରେ ଚାଲିବା ଆରମ୍ଭ କରିବ। ଏହା ଉପରେ ଅନେକ କାମ କରାଯାଇଛି । ଭୁବନେଶ୍ୱରର ସୋଆ ବିଶ୍ୱବିଦ୍ୟାଳୟରେ ଆୟୋଜିତ ଏକ କାର୍ଯ୍ୟକ୍ରମରେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଏହା କହିଛନ୍ତି ।

ସେ କହିଛନ୍ତି, “ବନ୍ଦେ ଭାରତ ଏକ୍ସପ୍ରେସ ହେଉଛି ଭାରତର ସେମି ହାଇ ସ୍ପିଡ୍ ଏବଂ ଦ୍ରୁତତମ ଚାଲୁଥିବା ଟ୍ରେନ୍ ମଧ୍ୟରୁ ଗୋଟିଏ। ଏହା ବର୍ତ୍ତମାନ ଭାରତରେ ପ୍ରସ୍ତୁତ କରାଯାଉଛି । ଗତ ଦୁଇ ବର୍ଷ ଧରି କୌଣସି ବ୍ରେକ୍‌ଡଉନ୍‌ ନଦେଇ ସୁରୁଖୁରୁରେ କାମ ଚାଲୁଛି। କହିବୁ ଯେ ନିକଟରେ ବନ୍ଦେ ଭାରତକୁ ରେଳ ସୁରକ୍ଷା କମିଶନରଙ୍କ ଠାରୁ ସବୁଜ ସଙ୍କେତ ମିଳିଛି।

ଟ୍ରେନ୍ ଏବଂ ଟ୍ରାକ୍ ମ୍ୟାନେଜମେଣ୍ଟ ବିଷୟରେ ମନ୍ତ୍ରୀ କହିଛନ୍ତି, “ଆମର ଧ୍ୟାନ କେବଳ ଟ୍ରେନ୍ ତିଆରି ଉପରେ ନୁହେଁ। ସେମି ହାଇ ହାଇ କିମ୍ବା ହାଇ ସ୍ପିଡ୍ ଟ୍ରେନ୍ ଚଳାଇବା ପାଇଁ ଟ୍ରାକ ମ୍ୟାନେଜମେଣ୍ଟ ସିଷ୍ଟମ ଉପରେ ମଧ୍ୟ ଆମେ କଠିନ ପରିଶ୍ରମ କରୁଛୁ।

ରେଳମନ୍ତ୍ରୀ ଏହା ମଧ୍ୟ ସୂଚନା ଦେଇଛନ୍ତି ଯେ ବନ୍ଦେ ଭାରତର ଟ୍ରାଏଲ୍ ରନ୍ ସଫଳ ହେବା ପରେ ଖୁବ୍ ଶୀଘ୍ର ୭୨ ଟି ଟ୍ରେନ୍ର ପ୍ରଡକସନ୍‌ ଆରମ୍ଭ ହେବ। ସେ କହିଛନ୍ତି, “ତୃତୀୟ ବନ୍ଦେ ଭାରତ ଟ୍ରେନର ସର୍ବାଧିକ ବେଗ ପ୍ରତି ଘଣ୍ଟା ୧୮୦ କିଲୋମିଟର ହେବ। ଏହା ମାତ୍ର ୫୨ ସେକେଣ୍ଡରେ ୧୦୦ କିଲୋମିଟର ବେଗରେ ଗତି କରିଥାଏ। ବୁଲେଟ୍ ଟ୍ରେନ୍ ପାଇଁ ୫୫ ସେକେଣ୍ଡ ସମୟ ଲାଗିଥାଏ। ଏହି ଟ୍ରେନରେ ହାଇଡ୍ରୋଜେନ ଇନ୍ଧନ ଭାବରେ ବ୍ୟବହୃତ ହେବ । ଯାହା ଅନେକ ଡିଜେଲ ସଞ୍ଚୟ କରିବ। ଏହା ଏକ ହାଇବ୍ରିଡ୍‌ ଟ୍ରେନ୍‌ ସହ ଅକ୍ଷୟ ଶକ୍ତି ସଂରକ୍ଷଣରେ ବ୍ୟାଟେରୀ କିମ୍ବା ସୁପରକାପାସିଟର୍ ଲାଗିଥାଏ। ହାଇଡ୍ରୋଜେନ୍ ଇନ୍ଧନ ପାଇଁ ଏଗୁଡ଼ିକ ସଂପନ୍ନ । ଏହା ଦ୍ଵାରା ଟ୍ରେନର ଗତି ବଢାଇଥାଏ ।