ମଡେଲ୍ଙ୍କୁ ଡେଟ୍ କରୁଛନ୍ତି ଦିଶା ପଟାନି
ମୁମ୍ବାଇ : (ସଂକେତ୍ ଟିଭି) ବର୍ତ୍ତମାନ ବିଟାଉନ୍ରେ ଅନେକ ଯୋଡି ପରସ୍ପରକୁ ଡେଟ୍ କରୁଛନ୍ତି । ହେଲେ ସେମାନେ ତାଙ୍କ ସମ୍ପର୍କକୁ ଲୁଚାଇ ରଖୁଛନ୍ତି । ସୋସିଆଲ ମିଡିଆରେ, ସେମାନେ ପରସ୍ପର ସହିତ ଫଟୋ ସେୟାର କରୁଥିବାର ଦେଖିବାକୁ ମିଳନ୍ତି । ଏହା ବ୍ୟତୀତ ସେୟାର ହୋଇଥିବା ପୋଷ୍ଟରେ କମେଣ୍ଟ ଦେଖିବାକୁ ମିଳେ ।
କିନ୍ତୁ କିଛି ସେଲିବ୍ରିଟି ଅଛନ୍ତି ଏହା କରନ୍ତି ନାହିଁ । ସେମାନେ ଏକାଠି ବୁଲିବା ସହ ଡିନର ଡେଟ୍ରେ ମଧ୍ୟ ସ୍ପଷ୍ଟ ହୁଅନ୍ତି ଏବଂ ଗଣମାଧ୍ୟମର ପ୍ରଶ୍ନ ଉପରେ ନୀରବ ରୁହନ୍ତି । ସେମାନଙ୍କ ମଧ୍ୟରେ ଦିଶା ପଟାନି ଏବଂ ଟାଇଗର ଶ୍ରଫ ଅନ୍ୟତମ । କହିବାକୁ ଗଲେ ଦୁହେଁ ଦୀର୍ଘ ସମୟ ଧରି ସମ୍ପର୍କରେ ଥିଲେ । କିନ୍ତୁ ଆନୁଷ୍ଠାନିକ ଭାବରେ ଡେଟିଂକୁ ଗ୍ରହଣ କରିନଥିଲେ ।
ନିକଟରେ ସେମାନଙ୍କ ବ୍ରେକଅପ୍ ଖବର ଗଣମାଧ୍ୟମରେ ସାମ୍ନାକୁ ଆସିଥିଲା । ଏହା ପରେ, ବର୍ତ୍ତମାନ ଆଲୋଚନା ଏବଂ କଳ୍ପନାଜଳ୍ପନା ଆରମ୍ଭ ହୋଇଛି ଯେ ଦିଶା ପଟାନୀଙ୍କ ଜୀବନରେ ଜଣେ ନୂଆ ପ୍ରେମିକ ଆସିଛନ୍ତି । ଯାହାର ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି । ଦିଶା ତାଙ୍କ ପୁରୁଣା ବନ୍ଧୁ, ମଡେଲ-ଅଭିନେତା ଆଲେକ୍ସଜାଣ୍ଡାର୍ ଆଲେକ୍ସ ଇଲିକିଙ୍କୁ ଡେଟ୍ କରୁଛନ୍ତି । ଦିୱାଲୀରେ, ଯେତେବେଳେ ଆଲେକ୍ସ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଦିଶାଙ୍କ ସହ ଏକ ଫଟୋ ସେୟାର କରିଥିଲେ, ସେତେବେଳେ ଦୁହେଁ ଏକାଠି ଅଛନ୍ତି ବୋଲି ଶୁଣିବାକୁ ମିଳିଥିଲା ।
ଏତିକି ହିଁ ନୁହେଁ ଆଲେକ୍ସ ଏବଂ ଦିଶା ମଧ୍ୟ ଜିମରେ ଏକାଠି କାମ କରୁଥିବା ସହ ଅନେକ ଥର ଏକାଠି ନଜର ଆସିଛନ୍ତି । ବର୍ତ୍ତମାନ ତାହାକୁ ନେଇ କଳ୍ପନା ଜଳ୍ପନା କରାଯାଉଛି । ଦିଶା ପଟାନିଙ୍କ କହିବାନୁସାରେ, ଅବସର ପାଇଲେ ସେ ଜିମ୍ନାଷ୍ଟରେ ସମୟ ବିତେଇଥାନ୍ତି । ଦିଶା କହନ୍ତି, ଜିମ୍ନାଷ୍ଟ ପାଇଁ ଜଣକୁ ଉଭୟ ନିୟମିତ ଓ ସାହସୀ ହେବାକୁ ପଡ଼ିବ । ସେ ଆଜି ଯେଉଁଠି ପହଞ୍ଚିଛନ୍ତି, ସେଥିପାଇଁ ବେଶ୍ କିଛି ଦିନ ଲାଗିଛି । ପ୍ରତ୍ୟେକ ଦିନ ଅଭ୍ୟାସ ଜାରି ରଖିବା ସହ ବେଳେବେଳେ ଆହତ ହେବାର ସାହସ ଜୁଟାଇ ପାରିଲେ ହିଁ ଏଥିରେ ସଫଳତା ମିଳେ ବୋଲି କହିଛନ୍ତି ଦିଶା ।
‘ଏମ୍ଏସ୍ଧୋନି : ଦ ଅନ୍ଟୋଲ୍ଡ ଷ୍ଟୋରୀ’ରୁ ଆକ୍ଟିଂ କ୍ୟାରିୟର ଆରମ୍ଭ କରିଥିବା ଦିଶା ଏବେ ବେଶ୍ ଲୋକପ୍ରିୟ । ଜୁଲାଇରେ ଦିଶାଙ୍କ ଅଭିନୀତ ‘ଏକ୍ ଭିଲେନ୍ ରିଟର୍ଣ୍ଣସ୍’ ଆସିଥିଲା ପ୍ରେକ୍ଷାଳୟକୁ ।
