ବନ୍ଦେ ଭାରତ ଏକ୍ସପ୍ରେସ ଉପରେ ପଥର ଫିଙ୍ଗିଲେ ହୋଇପାରେ ୫ ବର୍ଷ ଜେଲ୍
ମୁମ୍ଵାଇ : (ସଂକେତ୍ ଟିଭି) ବନ୍ଦେ ଭାରତ ଏକ୍ସପ୍ରେସରେ ପଥର ଫିଙ୍ଗିଲେ ୫ବର୍ଷ ଜେଲ ହୋଇପାରେ ବୋଲି ଦକ୍ଷିଣ କେନ୍ଦ୍ରୀୟ ରେଳବାଇ (ଏସସିଆର) ପକ୍ଷରୁ କୁହାଯାଇଛି । ଦକ୍ଷିଣ କେନ୍ଦ୍ରୀୟ ରେଳବାଇ (ଏସଆରସି) ଅଧୀନରେ ଥିବା ରେଳ ସୁରକ୍ଷା ବଳ (ଆରପିଏଫ) ଚଳିତ ବର୍ଷ ଟ୍ରେନରେ ପଥର ଫିଙ୍ଗିବା ଅଭିଯୋଗରେ ୩୯ ଜଣଙ୍କୁ ଗିରଫ କରି ଜେଲରେ ରଖିଛି।
ଗତ ଦୁଇ ମାସ ମଧ୍ୟରେ ବନ୍ଦେ ଭାରତ ଏକ୍ସପ୍ରେସରେ ୧୦ଟି ପଥର ଫିଙ୍ଗିବା ଘଟଣାରେ ଧରାପଡିଥିବା ୬ ଜଣ ନାବାଳକଙ୍କ ସମେତ ୧୦ଜଣଙ୍କୁ ଗିରଫ କରାଯାଇଥିଛି। ଏହିପରି ପଥର ଫିଙ୍ଗିବା ଘଟଣାରେ ପାଞ୍ଚ ଜଣ ଯାତ୍ରୀ ଗୁରୁତର ଆହତ ହୋଇଥିବା ସୂଚନା ଦେଇ ଏସଆରସି ଜନସାଧାରଣଙ୍କୁ ଏପରି ସାମାଜିକ ବିରୋଧୀ କାର୍ଯ୍ୟରେ ଲିପ୍ତ ନହେବାକୁ ନିବେଦନ କରିଛନ୍ତି। ଦକ୍ଷିଣ କେନ୍ଦ୍ରୀୟ ରେଳବାଇ କହିଛି ଯେ ଟ୍ରେନରେ ପଥର ଫିଙ୍ଗିବା ଭଳି କାର୍ଯ୍ୟ ଆରପିଏଫ ଆକ୍ଟ ଅନୁଯାୟୀ ଦଣ୍ଡନୀୟ ଅପରାଧ ଅଟେ। ରେଳବାଇ ଅଧିନିୟମର ଧାରା ୧୫୩ ଅନୁଯାୟୀ ଅପରାଧୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ଏସସିଆର ଚେତାବନୀ ଦେଇଛି ଯାହା ୫ବର୍ଷ ଜେଲ ହୋଇପାରେ।
ଏସଆରସି ଜେନେରାଲ ମ୍ୟାନେଜର ସାଧାରଣ ଜନତାଙ୍କୁ ଏପରି ବେଆଇନ କାର୍ଯ୍ୟକଳାପରେ ନିବୃତ୍ତ ହେବାକୁ ନିବେଦନ କରିଛନ୍ତି । ଯାହା ଜାତୀୟ ସମ୍ପତ୍ତିର କ୍ଷତି ଘଟାଇଥାଏ ଏବଂ ଯାତ୍ରୀମାନଙ୍କୁ ଗୁରୁତର ଆହତ କରିଥାଏ। ଯେଉଁମାନେ ଏଭଳି ଘଟଣା ଦେଖନ୍ତି ସେମାନଙ୍କୁ ଆରପିଏଫ୍ ତୁରନ୍ତ କାର୍ଯ୍ୟାନୁଷ୍ଠାନ ପାଇଁ ୧୩୯ ଡାଏଲ୍ କରି ରିପୋର୍ଟ କରିବାକୁ ଅନୁରୋଧ କରାଯାଇଛି।
