କଂଗ୍ରେସର ‘ପାଞ୍ଚ ନିର୍ବାଚନ ପ୍ରତିଶ୍ରୁତି’ ଉପରେ ଲାଗିଲା କର୍ଣ୍ଣାଟକ କ୍ୟାବିନେଟର ମୋହର

ବେଙ୍ଗାଲୁରୁ (ସଂକେତ୍ ଟିଭି) କର୍ଣ୍ଣାଟକ ବିଧାନସଭା ନିର୍ବାଚନ ପୂର୍ବରୁ କଂଗ୍ରେସ ଯେଉଁ ୫ଟି ପ୍ରତିଶୃତି ଦେଇଥିଲା ଏ ସବୁକୁ ଚଳିତ ଆର୍ଥିକ ବର୍ଷରେ ଲାଗୁ କରାଯିବ। କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଦାରାମାୟା ଶୁକ୍ରବାର ଏହା କହିଛନ୍ତି । ଶୁକ୍ରବାର ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ଏହି ପାଞ୍ଚ ପ୍ରତିଶ୍ରୁତିକୁ କାର୍ଯ୍ୟକାରୀ କରିବାକୁ ଅନୁମୋଦନ ମିଳିଛି । ମୁଖ୍ୟମନ୍ତ୍ରୀ ସିଦ୍ଧରମୈୟା କହିଛନ୍ତି ଯେ ଚଳିତ ଆର୍ଥିକ ବର୍ଷରେ ହିଁ ଏହି ପାଞ୍ଚ ଗ୍ୟାରେଣ୍ଟିକୁ କାର୍ଯ୍ୟକାରୀ କରାଯିବ ।

ସିଦ୍ଦାରାମାୟା କହିଛନ୍ତି, ନିର୍ବାଚନ ସମୟରେ ଓ ଏହା ପୂର୍ବରୁ ଆମେ ୫ଟି ଗ୍ୟାରେଣ୍ଟି ଘୋଷଣା କରିଥିଲୁ। ଆମର ଅଧ୍ୟକ୍ଷ(କର୍ନାଟକ) ଡି କେ ଶିବକୁମାର ଓ ମୁଁ ଗ୍ୟାରେଣ୍ଟି କାର୍ଡ ଉପରେ ସାଇନ କରିଥିଲୁ ଓ କଥା ଦେଇଥିଲୁ କି ଆମେ ସମସ୍ତ କଥାକୁ ପୂରଣ କରିବୁ ବା ଲାଗୁ କରିବୁ ଏହା ସୁନିଶ୍ଚତ ହେବ ଯେ ଏହା ଲୋକଙ୍କ ପର୍ଯ୍ୟନ୍ତ ପହଞ୍ଚିବ। ଆମେ ଗ୍ୟାରେଣ୍ଟ କାର୍ଡ ବି ବାଣ୍ଟିଥିଲୁ।

ମୁଖ୍ୟମନ୍ତ୍ରୀ ସିଦ୍ଧରମୈୟା କହିଛନ୍ତି, ଜୁଲାଇ ୧ରୁ (ପ୍ରାୟ ୨୦୦ ୟୁନିଟ୍ ମାଗଣା ବିଦ୍ୟୁତ୍ ଗ୍ୟାରେଣ୍ଟି) କାର୍ଯ୍ୟକାରୀ ହେବ। ୨୦୦ ୟୁନିଟ୍ ବିଦ୍ୟୁତ୍ ମାଗଣା ହେବ | ଯେଉଁମାନେ ଜୁଲାଇ ପର୍ଯ୍ୟନ୍ତ ବିଲ୍ ପୈଠ କରିନାହାଁନ୍ତି, ସେମାନଙ୍କୁ ବକେୟା ଦେବାକୁ ପଡିବ ।

ଏହାଛଡ଼ା ଅନ୍ନଭାଗ୍ୟ ଯୋଜନା ଅନୁଯାୟୀ ଜୁଲାଇ ୧ରୁ ସମସ୍ତ ବିପିଏଲ୍ ପରିବାର, ଅନ୍ତୋଦ୍ୟୟ କାର୍ଡଧାରୀଙ୍କୁ ୧୦ କିଲୋଗ୍ରାମ ଖାଦ୍ୟ ଶସ୍ୟ ମାଗଣାରେ ଦିଆଯିବ। ମାସିକ ସହାୟତା ଅଗଷ୍ଟ ୧୫ରୁ ଆରମ୍ଭ ହେବ।

କୌଣସି ଜାତି କିମ୍ବା ଧର୍ମ ଭେଦଭାବ ବିନା ପାଞ୍ଚଟି ଗ୍ୟାରେଣ୍ଟି କାର୍ଯ୍ୟକାରୀ କରିବାକୁ କ୍ୟାବିନେଟ୍ ନିଷ୍ପତ୍ତି ନେଇଛି ବୋଲି ମୁଖ୍ୟମନ୍ତ୍ରୀ ସିଦ୍ଧରମୈୟା କହିଛନ୍ତି। ଶକ୍ତି ଯୋଜନା ଅଧୀନରେ, ଜୁନ୍ ୧ ତାରିଖରୁ ମହିଳାମାନେ କର୍ଣ୍ଣାଟକରେ ଏସି ଲଗଜରି ବସ୍ ଏବଂ ସର୍ବସାଧାରଣ ପରିବହନ ବସ୍ ରେ ମାଗଣାରେ ଯାତ୍ରା କରିପାରିବେ |

ଏହି ଗ୍ୟାରେଣ୍ଟି ଗୁଡିକ ମଧ୍ୟରେ ଥିଲା-

– ପ୍ରତ୍ୟେକ ଘରକୁ ୨୦୦ ୟୁନିଟ୍ ମାଗଣା ବିଜୁଳି (ଗୃହ ଜ୍ୟୋତି ଯୋଜନା)
– ପ୍ରତ୍ୟେକ ପରିବାରର ମହିଳା ମୁଖ୍ୟଙ୍କୁ ଦୁଇ ହଜାର ଟଙ୍କା ସହାୟତା (ଗୃହଲକ୍ଷ୍ମୀ ଯୋଜନା)
– ଦାରିଦ୍ର୍ୟ ସୀମାରେଖା ତଳେ ରହୁଥିବା ପରିବାରର ପ୍ରତ୍ୟେକ ସଦସ୍ୟଙ୍କୁ ପ୍ରତି ମାସରେ ୧୦ କିଲୋଗ୍ରାମ ମାଗଣା ଚାଉଳ (ଅନ୍ନଭାଗ୍ୟ ଯୋଜନା)
– ୧୮ରୁ ୨୫ ବର୍ଷ ବୟସର ବେକାର ସ୍ନାତକମାନଙ୍କୁ ଦୁଇ ବର୍ଷ ପାଇଁ ପ୍ରତି ମାସରେ ୩୦୦୦ ଟଙ୍କା ଏବଂ ଡିପ୍ଲୋମା ଧାରକମାନଙ୍କୁ ପ୍ରତି ମାସରେ ୧୫୦୦ ଟଙ୍କା ଭତ୍ତା (ୟୁବା ନିଧି ଯୋଜନା)
– ସର୍ବସାଧାରଣ ବସରେ ମହିଳାମାନଙ୍କ ପାଇଁ ମାଗଣା ଯାତ୍ରା ସୁବିଧା (ଶକ୍ତି ଯୋଜନା)