ବିଜେପିକୁ ସମର୍ଥନ କରିବା ପ୍ରଶ୍ନ ଉଠୁନାହିଁ, ବାଗି ନେତାଙ୍କୁ କହିଲେ ଶରଦ ପାଓ୍ବାର
ମୁମ୍ବାଇ (ସଂକେତ ଟିଭି) ରାଷ୍ଟ୍ରବାଦୀ କଂଗ୍ରେସ ପାର୍ଟି ନେତା ଶରଦ୍ ପାଓ୍ୱାର କହିଛନ୍ତି ଯେ ସେ ବିଜେପିକୁ ସମର୍ଥନ କରିପାରିବେ ନାହିଁ । ଅଜିତ୍ ପାଓ୍ୱାର୍ ଓ ତାଙ୍କ ସମର୍ଥକ ରାସ୍ତା ଅଲଗା କରିବାକୁ ନିଷ୍ପତ୍ତି କରିସାରିଲେଣି । ପାଓ୍ୱାର କହିଥିଲେ ସେ ପ୍ରଗତିଶୀଳ ରାଜନୀତି ଜାରି ରଖିବେ । ଶରଦ ପାଓ୍ୱାର ନାସିକ୍ରେ ଯୁଥ୍ ଓ୍ୱିଙ୍ଗର ଏନସିପି କାର୍ଯ୍ୟକର୍ତ୍ତାଙ୍କୁ ସମ୍ୱୋଧିତ କରିଥିଲେ ଏବଂ ନିଜର ମତାମତ ସ୍ପଷ୍ଟ କରି ଏହା କହିଥିଲେ । ଯୁବ କ୍ୟାଡରଙ୍କୁ ସହ କଥା ହୋଇ ଶରଦ୍ ପାଓ୍ୱାର ଏନସିପିର ଆଦର୍ଶକୁ ଦୋହରାଇଥିଲେ । ଆଉ କହିଥିଲେ ଯେ ବିଜେପି ବିଭାଜନକାରୀ ରାଜନୀତି କରୁଛି ଯାହାକୁ ସେ ବିରୋଧ କରୁଛନ୍ତି।
ସେପଟେ ଗତକାଲି ରାଷ୍ଟ୍ରବାଦୀ କଂଗ୍ରେସ ପାର୍ଟିରେ ବିଦ୍ରୋହ ପରେ ରବିବାର ଉପ-ମୁଖ୍ୟମନ୍ତ୍ରୀ ଅଜିତ୍ ପାଓ୍ୱାର୍ ଏବଂ ଏନସିପି କୋର୍ଟ ର ୯ ମନ୍ତ୍ରୀ ଅଚାନକ୍ ଶରଦ୍ ପାଓ୍ୱାରଙ୍କୁ ଭେଟିବାକୁ ପହଞ୍ଚିଥିଲେ । ଏହି ସାକ୍ଷାତକାର ପରେ ଅଜିତ୍ ପାଓ୍ୱାର ସମର୍ଥକ ନେତା ପ୍ରଫୁଲ୍ଲ ପଟେଲ କହିଥିଲେ ଯେ, ସେ ଶରଦ୍ ପାଓ୍ୱାରଙ୍କୁ ଅନୁରୋଧ କରିଛନ୍ତି କି ସେ ପାର୍ଟିକୁ ଯୋଡି ରଖନ୍ତୁ । ସେ ଆହୁରି କହିଥିଲେ ଯେ, ମନ୍ତ୍ରୀମାନେ ପାଓ୍ୱାର ସାର୍ଙ୍କଠାରୁ ଆଶିର୍ବାଦ ବି ନେଇଛନ୍ତି । ଏବେ ଶରଦ ପାଓ୍ୱାର ଏହି ସାକ୍ଷାତକାର ଉପରେ ପ୍ରତିକ୍ରିୟା ଦେଇଛନ୍ତି । ଆଜି ପୁଣି ଅଜିତ୍ ପାଓ୍ବାର ଶରଦ ପାଓ୍ବାରଙ୍କୁ ଭେଟି ଏନସିପିକୁ ଏକାଠି ହେବାକୁ ଅନୁରୋଧ କରିଛନ୍ତି ।
ସମାନତା, ଧର୍ମନିରପେକ୍ଷତା ଏବଂ ଗଣତନ୍ତ୍ରର ନୀତିକୁ ସମର୍ଥନ କରିବା ପାଇଁ ଏନସିପି କ୍ୟାଡର ଆବଶ୍ୟକତା ଉପରେ ସେ ଗୁରୁତ୍ୱାରୋପ କରିଥିଲେ । ସେପଟେ ପାୱାର ସୋମବାର ଏନସିପି ବିଧାୟକଙ୍କୁ ଭେଟିବାର ସମ୍ଭାବନା ରହିଛି । ଏହାପୂର୍ବରୁ ଏନସିପିର ମୁଖ୍ୟ ସଚେତକ ଜିତେନ୍ଦ୍ର ମହାରାଷ୍ଟ୍ର ବିଧାନସଭା ବାଚସ୍ପତିଙ୍କୁ ପତ୍ର ଲେଖିଥିଲେ । କହିଥିଲେ ସୋମବାର ଠାରୁ ଆରମ୍ଭ ହେବାକୁ ଥିବା ବିଧାନସଭା ଅଧିବେଶନ ପାଇଁ ଅଜିତ ପାୱାର ଶିବିରର ସଦସ୍ୟ ତଥା ଦଳର ଅନ୍ୟ ଦଳର ବିଧାୟକଙ୍କ ପାଇଁ ପୃଥକ ବସିବାର ବ୍ୟବସ୍ଥା କରାଯାଉ ।
