CrimeFeaturedLatestNews

କ୍ରାଇମବ୍ରାଞ୍ଚ ଅଫିସରେ ହାଜର ହେଲେ ଜେଡ ଇଷ୍ଟେଟର ମାଲିକ

ଭୁବନେଶ୍ୱର (ସଂକେତ୍ ଟିଭି) ଜେଡ ଇଷ୍ଟେଟର ଜେଡ୍‌ ୱାନ ପ୍ରକଳ୍ପରେ ସାଙ୍ଘାତିକ ତ୍ରୁଟି ମାମଲାରେ ଅର୍ଥନୈତିକ ଅପରାଧ ଶାଖାରେ Z ଇଷ୍ଟେଟ ଏମଡି ତପନ ମହାନ୍ତି ହାଜର ହୋଇଛନ୍ତି । Z ୱାନ୍ ଆପାର୍ଟମେଣ୍ଟ ଓନର୍ସ ଆସୋସିଏସନ ଠକେଇ ନେଇ ଅଭିଯୋଗ କରିଥିଲା। ତଦନ୍ତ ପାଇଁ Z1 ଏମଡିଙ୍କୁ EOW ଅଫିସକୁ ଡକାଯାଇଛି ।

ଏନେଇ ଘର ମାଲିକ ସଂଘ ବାରମ୍ବାର ଅଭିଯୋଗ କରିବା ସହ କୋର୍ଟର ଦ୍ୱାରସ୍ଥ ହୋଇଥିଲେ। ହେଲେ ଅର୍ଥବଳ, ବାହୁବଳ ସାଙ୍ଗକୁ ମିଡିଆ ପାୱାର ଦେଖାଇ ଜେଡ୍‌ ଇଷ୍ଟେଟ ମାଲିକ ନାନା ପ୍ରକାର ହଇରାଣ କରୁଥିବା ଅଭିଯୋଗ ଆସିଛି। ଏପଟେ ଜେଡ ଇଷ୍ଟେଟ ବିରୋଧରେ ମାଲିକ ସଂଘର ସ୍ୱର ତୀବ୍ର ହୋଇଛି। କୋଟି କୋଟି ଟଙ୍କାରେ ଘର କିଣିବା ପରେ ବି ପ୍ରତି ମୁହୂର୍ତ୍ତରେ ସଂଘର୍ଷ କରୁଥିବା ଘର ମାଲିକମାନେ ଏକାଠି ହୋଇଛନ୍ତି।

ଉଭୟ ଇନଫୋସିଟି ଥାନା ଓ EOWରେ ମାମଲା ହୋଇଥିଲା । ଆପାର୍ଟମେଣ୍ଟ ନିର୍ମାଣ ନିୟମରେ ଅନିୟମିତତା ହୋଇଥିବା ଅଭିଯୋଗ ରହିଛି। ଘର ମାଲିକଙ୍କ ବିନା ସମ୍ମତିରେ ଜେଡ ଇଷ୍ଟେଟର ବାରମ୍ବାର ପ୍ଲାନ ପରିବର୍ତ୍ତନ ହେଉ କି ବେଆଇନ ଭାବେ ପ୍ରକଳ୍ପ ପରିସରରେ ଥିବା କମନ ଆମେନିଟିଜକୁ ପ୍ରମୋଟର ଏରିଆ କହି କ୍ରେତାଙ୍କୁ ଠକିବା ଯାଏଁ ସବୁଠି ଜେଡ ଇଷ୍ଟେଟର ମନମାନି ଦେଖିବାକୁ ମିଳିଛି।