ନମୋ ଭାରତ ରାପିଡ ଟ୍ରେନର ଶୁଭାରମ୍ଭ କଲେ ପ୍ରଧାନମନ୍ତ୍ରୀ ମୋଦି
ନୂଆଦିଲ୍ଲୀ (ସଂକେତ ଟିଭି): ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ପ୍ରଥମ ଦ୍ରୁତ ରେଳ ସେବା ଦିଲ୍ଲୀ-ମେରଟ ରାପିଡ ଟ୍ରାଞ୍ଜିଟ ସିଷ୍ଟମ (RRTS)ର ପ୍ରଥମ ପର୍ଯ୍ୟାୟକୁ ଉଦଘାଟନ କରିଛନ୍ତି । ସେ ଗାଜିଆବାଦର ବସୁନ୍ଦରା ସେକ୍ଟର 8 ଷ୍ଟେସନରୁ ନମୋ ଭାରତ ରାପିଡ ଟ୍ରେନକୁ ସବୁଜ ପତାକା ଦେଖାଇ ଏହି ଟ୍ରେନ ସେବାର ଶୁଭାରମ୍ଭ କରିଛନ୍ତି । ଆସନ୍ତାକାଲିଠୁ ସାଧାରଣ ଲୋକଙ୍କ ପାଇଁ ଏହି ଟ୍ରେନ ସେବା ମିଳିବ ।
ନମୋ ଭାରତ ରାପିଡକ୍ସ ଘଣ୍ଟା ପ୍ରତି 160 କିମି ବେଗରେ ଚାଲିବ । ପ୍ରାରମ୍ଭିକ ଭାବେ 17କିମି ଲମ୍ବା ରୁଟରେ ଚଳାଚଳ କରିବ । ପ୍ରଥମ ପର୍ଯ୍ୟାୟରେ ଦିଲ୍ଲୀ-ଗାଜିଆବାଦ-ମିରଟ କରିଡରର ସହିଦାବାଦରୁ ଦୁହାଇ ଡିପୋ ଯାଏଁ 17 କିମି ଯାତ୍ରା କରିବ । 12 ମିନିଟରେ ଏହି ଯାତ୍ରା ସମ୍ପୂର୍ଣ୍ଣ ହେବ । ଏହି କରିଡର ଲମ୍ବ 82 କିମି ରହିଛି । ଯାହାର 14କିମି ଭାଗ ଦିଲ୍ଲୀ ଏବଂ 68 କିମି ଭାଗ ଉତ୍ତରପ୍ରଦେଶରେ ରହିଛି ।
2019 ରେ ପ୍ରଧାନମନ୍ତ୍ରୀ ମୋଦି ଦିଲ୍ଲୀ-ଗାଜିଆବାଦ-ମେରଟ ରାପିଡ ରେଲ ପ୍ରକଳ୍ପର ଶିଳାନ୍ୟାସ କରିଥିଲେ । 2025 ସୁଦ୍ଧା ସମ୍ପୂର୍ଣ୍ଣ ଶେଷ କରିବା ପାଇଁ ଲକ୍ଷ୍ୟ ରଖାଯାଇଛି । ଏହି ଅତ୍ଯାଧୁନିକ ହାଇସ୍ପିଡ୍ ରାପିଡେକ୍ସ ଟ୍ରେନ୍ ଚଳାଚଳରେ ମହିଲାଙ୍କର ମହତ୍ତ୍ବପୂର୍ଣ୍ଣ ଭୂମିକା ରହିବ । ଏହି ଟ୍ରେନ ଚଳାଚଳାରେ ମହିଳା କର୍ମଚାରୀଙ୍କ ଭାଗିଦାରୀ ପୁରୁଷ କର୍ମଚାରୀଙ୍କଠୁ ଅଧିକ ।