BusinessFeaturedGeneralLatest

ଫେବୃଆରୀ ୨୯ ପରେ ପେଟିଏମ୍‌ ରେ ହୋଇପାରିବନି ଜମା

ମୁମ୍ବାଇ (ସଂକେତ ଟିଭି): ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ପେଟିଏମ୍ ପେମେଣ୍ଟ ବ୍ୟାଙ୍କକୁ ଜମା ନେବାକୁ ବାରଣ କରିଛି। ଫେବୃଆରୀ ୨୯ ପରେ, ପେଟିଏମ୍ ପେମେଣ୍ଟସ୍ ବ୍ୟାଙ୍କ ଗ୍ରାହକଙ୍କୁ ବ୍ୟାଙ୍କିଙ୍ଗ୍ ସୁବିଧା ଯୋଗାଇବାରେ ସକ୍ଷମ ହେବ ନାହିଁ ।

ଏହା ବ୍ୟତିତ ଆରବିଆଇ (ରିଜର୍ଭ ବ୍ୟାଙ୍କ) ଟଙ୍କା ଜମା ଏବଂ ଋଣ କାରବାର ଉପରେ ମଧ୍ୟ ପ୍ରତିବନ୍ଧକ ଲଗାଇଛି। ପେଟିୟମ୍‌ ନିୟମ ପାଳନ ନକରିବାରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ବୋଲି ରିଜର୍ଭ ବ୍ୟାଙ୍କ ପକ୍ଷରୁ ସୂଚନା ରହିଛି ।

କ୍ରେଡିଟ୍ କାରବାର, ଟପ୍ ଅପ୍ ସୁବିଧା, ୱାଲେଟ୍ ଏବଂ ଫାଷ୍ଟାଗ୍ ସହିତ ସମସ୍ତ ପ୍ରକାର ସୁବିଧା ଉପରେ ରିଜର୍ଭ ବ୍ୟାଙ୍କ ନିଷ୍ପତ୍ତି ନେଇଛି। ଏହା ସହିତ ପେଟିଏମ୍ ପେମେଣ୍ଟ ବ୍ୟାଙ୍କ ମଧ୍ୟ ନୂତନ ଗ୍ରାହକ ଯୋଡିବାକୁ ସକ୍ଷମ ହେବ ନାହିଁ । ରିଜର୍ଭ ବ୍ୟାଙ୍କ କହିଛି ଯେ ଯେଉଁ ଗ୍ରାହକଙ୍କ ପାଖରେ ଆକାଉଣ୍ଟ ଅଛି ସେମାନେ ଏଥିରୁ ଟଙ୍କା ଉଠାଇ ପାରିବେ।

ଆରବିଆଇ କହିଛି ଯେ, ଗ୍ରାହକମାନେ ସେଭିଂ ଆକାଉଣ୍ଟ, କରେଣ୍ଟ ଆକାଉଣ୍ଟ କିମ୍ବା ଅନ୍ୟ କୌଣସି ଆକାଉଣ୍ଟରୁ ଟଙ୍କା ଉଠାଇ ପାରିବେ। ପେଟିଏମ୍ ପେମେଣ୍ଟ ବ୍ୟାଙ୍କ କ୍ରମାଗତ ଭାବରେ ନିୟମକୁ ଅଣଦେଖା କରିଛି, ଯେଉଁ କାରଣରୁ ଆରବିଆଇ ଏହି କଠୋର ପଦକ୍ଷେପ ନେଇଛି। ଅଡିଟରେ ଅନେକ ପର୍ଯ୍ୟବେକ୍ଷକ ଅଭାବ ଦେଖାଯାଇଥିବା ଆରବିଆଇ କହିଛି।

ମାର୍ଚ୍ଚ ୧ ରୁ ନୂତନ ଜମା ଏବଂ ଟପ୍ ଅପ୍ ଉପରେ ନିଷେଧାଦେଶ ରହିଛି ବୋଲି ଆରବିଆଇ କହିଛି। ୱାଲେଟ୍, ଫାଷ୍ଟଟାଗ୍‌ , ମୋବିଲିଟି କାର୍ଡ ଟପ୍ ଅପ୍ ଉପରେ ପ୍ରତିବନ୍ଧକ ଲଗାଯାଇଛି । ଏହା ବ୍ୟତୀତ ଅନ୍ୟ ଗ୍ରାହକଙ୍କ ପାଇଁ ଟଙ୍କା ପ୍ରତ୍ୟାହାର ଉପରେ କୌଣସି ପ୍ରତିବନ୍ଧକ ନାହିଁ। ଗ୍ରାହକମାନେ ସେମାନଙ୍କ ୱାଲେଟ୍, ଫାଷ୍ଟଟାଗ୍‌, କାର୍ଡରେ ଥିବା ଟଙ୍କାକୁ ବ୍ୟବହାର କରିପାରିବେ ।