ଖୁବ୍ ଶୀଘ୍ର ଦଳରେ ଯୋଗଦେବେ ନୂଆ ହେଡ୍ କୋଚ୍ : ଜୟ ଶାହା
ନୂଆଦିଲ୍ଲୀ (ସଂକେତ ଟିଭି): ଖୁବ୍ ଶୀଘ୍ର ଭାରତୀୟ କ୍ରିକେଟ ଦଳର ହେଡ୍ କୋଚ୍ ଏବଂ ଚୟନକର୍ତ୍ତାଙ୍କ ନାମ ଘୋଷଣା କରାଯିବ। ସମସ୍ତ ସାକ୍ଷାତକାର ଏବଂ ପ୍ରକ୍ରିୟା ପରେ ଦୁଇଟି ନାମ ସହମତି ପ୍ରକାଶ ପାଇଛି। ଭାରତର ନୂଆ କୋଚ୍ ଶ୍ରୀଲଙ୍କା ସିରିଜରୁ ଦଳରେ ଯୋଗଦେବେ। ବିସିସିଆଇ ସଚିବ ଜୟ ଶାହା ଏହି ସୂଚନା ଦେଇଛନ୍ତି ।
ସୂଚନା ଅନୁସାରେ, ଭାରତୀୟ ଦଳର ହେଡ୍ କୋଚ୍ ରାହୁଲ ଦ୍ରାବିଡଙ୍କ କାର୍ଯ୍ୟକାଳ ଶେଷ ହୋଇଛି। ତେବେ ବର୍ତ୍ତମାନ ଟିମ୍ ଇଣ୍ଡିଆରେ ନୂଆ ହେଡ୍ କୋଚ୍ ରାହୁଲ ଦ୍ରାବିଡଙ୍କ ସ୍ଥାନରେ ଯୋଗଦେବେ। ଭାରତୀୟ ଦଳର ନେତୃତ୍ୱ ନେବାକୁ ଦୌଡ଼ରେ ଗୌତମ ଗମ୍ଭୀର ଏବଂ ଡବ୍ଲୁ.ଭି ରମଣ ଆଗରେ ଅଛନ୍ତି। ଖୁବ ଶୀଘ୍ର ଭାରତୀୟ ଦଳର ମୁଖ୍ୟ ପ୍ରଶିକ୍ଷକଙ୍କ ନାମ ଔପଚାରିକ ଭାବେ ଘୋଷଣା କରାଯିବ ବୋଲି କୁହାଯାଉଛି।
ଜୟ ଶାହା କହିଛନ୍ତି ଯେ ଜିମ୍ବାୱେ ଗସ୍ତରେ ଭିଭିଏସ୍ ଲକ୍ଷ୍ମଣ ଭାରତୀୟ ଦଳକୁ କୋଚ୍ ଭାବରେ ଯୋଗଦେବେ। ବିସିସିଆଇ ସଚିବ ଜୟ ଶାହା ଭାରତୀୟ ଦଳର ଜିମ୍ବାୱେ ଗସ୍ତ ପୂର୍ବରୁ ଗଣମାଧ୍ୟମ ସହ କଥା ହୋଇଥିଲେ।
