ମୋ ବସ୍ ନାଁ ବଦଳି ହେବ ଆମ ବସ୍ : ନଗର ଉନ୍ନୟନ ମନ୍ତ୍ରୀ
ଭୁବନେଶ୍ବର (ସଂକେତ ଟିଭି): ମୋ ବସ୍ ନାଁ ବଦଳି ହୋଇପାରେ ଆମ ବସ୍ । ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ଆଜି ମୋ ବସରେ ବୁଲି ସ୍ଥିତି ପରଖି ଏହା କହିଛନ୍ତି । ସେ କହିଛନ୍ତି, ମୋ ବସ୍ ନାଁ ଏବଂ ରଙ୍ଗ ବଦଳାଯିବା ନେଇ ଆଲୋଚନା ହେବ। ମୋ ବସ୍ ନାଁ ବଦଳି ଆମ ବସ୍ ହେଲେ ଭଲ ହେବ ବୋଲି ମନ୍ତ୍ରୀ କହିଛନ୍ତି।
ସେ କହିଛନ୍ତି ଏ ବିଷୟରେ ଆମେ ପର ମୁହୂର୍ତ୍ତରେ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରି କରିବୁ । ବର୍ତ୍ତମାନ ଯାହା ଅଛି ସେଥିରେ ସେବା କେମିତି ଅଧିକ ଦିଆଯାଇପାରିବ ସେ ଉପରେ ଆମେ ଗୁରୁତ୍ବ ଦେଉଛୁ । ଏ ବସ ଆମ ବସ ଆମ ସମସ୍ତଙ୍କ ବସ । ବର୍ତ୍ତମାନ ଆମେ ଅନୁଭବ କରୁଛୁ ଏ ବସ୍ ଆମ ବସ ଆମ ସମ୍ପତ୍ତି । ଏନେଇ ଆମେ ଯତ୍ନବାନ ହେବା । ଲୋକମାନେ କିଭଳି ସୁବିଧାରେ ଯାତ୍ରା କରିବେ ସେ ପ୍ରତି ଧ୍ୟାନ ଦେବା । କାରଣ ଏ ସରକାର ହେଉଛି ଆମ ସରକାର ।
ସେ କହିଛନ୍ତି, ବସ୍ ସେବା ଭଲ ଅଛି, ଆହୁରି ବସ୍ ସଂଖ୍ୟା ବଢିବ। ଯାତ୍ରୀଙ୍କ ପାଇଁ ଅଧିକ ବସ ଆବଶ୍ୟକ ଅଛି । ଯାତ୍ରୀ ଅଧିକ ବସ ପାଇଁ ଦାବି କରୁଥିବା ବେଳେ ତାହାକୁ ପୂରଣ କରିବାର ଆବଶ୍ୟକତା ରହିଛି । ଆଉ ୪ଶହ ଇଲେକ୍ଟ୍ରୋନିକ୍ ବସ୍ ଆସୁଛି, ଖୁବ୍ଶୀଘ୍ର ପହଞ୍ଚିବ। ଭୁବନେଶ୍ୱର ଏବଂ କଟକ ପାଇଁ ଶହେ ଲେଖାଏ ବସ୍ ରହିବ। ଟ୍ରାଫିକ୍ ସମସ୍ୟା, ଦୁର୍ଘଟଣା ଆଦି ପ୍ରସଙ୍ଗକୁ ଗୁରୁତ୍ୱ ସହ ନିଆଯିବ।
