ଟ୍ରେନ ଧକ୍କାରେ ୨ଯୁବକ ମୃତ, ଜଣକୁ ବଞ୍ଚାଇବାକୁ ଯାଇ ଚାଲିଗଲା ଅନ୍ୟର ଜୀବନ

ବାଲେଶ୍ବର(ସଂକେତ ଟିଭି): ଟ୍ରେନ ଧକ୍କାରେ ଦୁଇ ଜଣ ଯୁବକଙ୍କ ପ୍ରାଣହାନୀ ଘଟିଛି । ବାଲେଶ୍ବର ଜିଲ୍ଲା ବାହାନଗା ନିକଟ ସୋର ଥାନା ଦାଣ୍ଡହରିପୁର ରେଳ ଫାଟକ ନିକଟରେ ଏହି ଘଟଣା ଘଟିଛି ।

ମୃତକ ହେଲେ ବାଲେଶ୍ବର ଜିଲ୍ଲା ଆରୁଆବାଡ ଗ୍ରାମର ରାକେଶ କୁମାର ପାଢୀ (୩୫) ଓ ତାଙ୍କ ମାଉସୀ ପୁଅ ଭାଇ ବାରିପଦାର ରତିକାନ୍ତ ସାହୁ (୩୨)

ସୂଚନା ଅନୁସାରେ, ଗତକାଲି (ସୋମବାର) ବିଳମ୍ବିତ ରାତିରେ ରାକେଶ ଓ ରତିକାନ୍ତ ସାହୁ ଏକ ବାଇକ ଯୋଗେ ଆସୁଥିଲେ । ଦାଣ୍ଡହରିପୁର ଗେଟ ନିକଟରେ ଫାଟକ ପଡ଼ିଥିବାରୁ ଛିଡ଼ା ହୋଇଥିଲେ । ଏହି ସମୟରେ ହଠାତ ପଛରେ ବସିଥିବା ରାକେଶ ଟ୍ରେନ ସାମ୍ନାକୁ ଡେଇଁ ଆତ୍ମହତ୍ୟା ପାଇଁ ଦୌଡିଥିଲେ । ତାଙ୍କୁ ବଞ୍ଚାଇବାକୁ ପଛେ ପଛେ ଯାଇଥିଲେ ରତିକାନ୍ତି । ଏହି ସମୟରେ ପୁରୀରୁ ହାୱଡା ଅଭିମୁଖେ ଯାଉଥିବା ପୁରୀ-ହାୱଡା ସୁପରଫାଷ୍ଟ ଏକ୍ସପ୍ରେସ ଉଭୟଙ୍କୁ ଧକ୍କା ଦେଇଥିଲା । ଟ୍ରେନ ଧକ୍କାରେ ଦୁଇ ଯୁବକ କଟିଯାଇ ପ୍ରାଣ ହରାଇଥିଲେ ।

ଖବର ପାଇ ସୋର ଆରପିଏଫ ଓ ବାଲେଶ୍ୱର ଜିଆରପି ପହଂଚି ଶବ ଜବତ କରି ବ୍ୟବଛେଦ ପାଇଁ ବାଲେଶ୍ୱର ନେଇଥିବା ଜଣାପଡିଛି।