ବସ୍ ଧକ୍କାରେ ଯୁବତୀ ମୃତ, ଅନ୍ୟ ଜଣେ ଗୁରୁତର
ଭୋଗରାଇ (ଉମାକାନ୍ତ ନାୟକ): ବାଲେଶ୍ବର ଜିଲ୍ଲା ଭୋଗରାଇ ଥାନା ଅନ୍ତର୍ଗତ ଥାନାଛକ ନିକଟରେ ସ୍କୁଟି ଚାଳକକୁ ଧକ୍କା ଦେଲା ଘରୋଇ ଯାତ୍ରିବାହୀ ବସ୍ । ଘଟଣାସ୍ଥଳରେ ଯୁବତୀଙ୍କ ମୃତ୍ୟୁ ହୋଇଥିବା ବେଳେ ଜଣେ ଯୁବକ ଗୁରୁତର ହୋଇଛନ୍ତି ।
ମୃତ ଯୁବତୀ ଜଣକ ଜଣକ ବସ୍ତା ଥାନା ଅନ୍ତର୍ଗତ ମାଣିଦା ଗ୍ରାମର ପୂଜା ଦାସ ହୋଇଥିବାବେଳେ ଯୁବକ ଜଣକ ହେଲେ ବାଲେଶ୍ୱର ଜିଲ୍ଲା ବସ୍ତା ବ୍ଳକ ଚକୁରି ଗ୍ରାମର ଚିନ୍ମୟ ଦାସ ବୋଲି ଜଣାପଡିଛି ।
ସୂଚନା ଅନୁସାରେ, ଉଭୟ ଯୁବକ ଯୁବତୀ ସ୍କୁଟି ଯୋଗେ ଜଳେଶ୍ୱର ପଟୁ ଚନ୍ଦନେଶ୍ୱର ଅଭିମୁଖେ ଯାଉଥିବା ବେଳେ ଶ୍ରୀବତ୍ସପୁର ନିକଟରେ ଚନ୍ଦନେଶ୍ୱର ପଟୁ ଆସୁଥିବା ବସର ପଛ ପଟ ବାଜି ଉଭୟ ସ୍କୁଟିରୁ ଗଳି ପଡ଼ି ଯୁବତୀଙ୍କ ଘଟଣା ସ୍ଥଳରେ ମୃତ୍ୟୁ ହୋଇଛି । ଯୁବକ ଜଣକ ଗୁରୁତର ହୋଇଛନ୍ତି । ସ୍ଥାନୀୟ ଲୋକେ ଗୁରୁତର ଯୁବକଙ୍କୁ ଉଦ୍ଧାର କରି ଜଳେଶ୍ବରପୁର ଗୋଷ୍ଠୀ ସ୍ବାସ୍ଥ୍ଯକେନ୍ଦ୍ରରେ ଭର୍ତ୍ତି କରାଇଥିଲେ । ତାଙ୍କ ଅବସ୍ଥା ସଂକଟାପନ୍ନ ହେବାରୁ ତାଙ୍କୁ ବାଲେଶ୍ବର ଜିଲ୍ଲା ମୁଖ୍ଯ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।
