ଜିମରୁ ଫେରିବା ବେଳେ ଯୁବକଙ୍କୁ ଗୁଳିମାଡ଼
ବାଲେଶ୍ଵର (ସଂକେତ ଟିଭି): ବାଲେଶ୍ବର ଜିଲ୍ଲା ରେମୁଣା ନିକଟ ବାଲିଆରେ ଜିମରୁ ଫେରିବା ବେଳେ ଯୁବକଙ୍କୁ ଗୁଳିମାଡ଼ ହୋଇଛି । ଗୁଳିମାଡରେ ଯୁବକ ଗୁରୁତର ହୋଇ ମେଡିକାଲରେ ଭର୍ତ୍ତି ହୋଇଛନ୍ତି।
ସୂଚନା ଅନୁସାରେ, ଯୁବକଙ୍କ ନାମ ମନୋରଞ୍ଜନ ବିନ୍ଧାଣୀ ଓରଫ ଲିପୁ ଏବଂ ତାଙ୍କ ଘରେ ବାଲେଶ୍ବର ସହରର ଶୋଭାରାମପୁର ଅଞ୍ଚଳର ବୋଲି ଜଣାଯାଇଛି। ସେ ଜିମ୍ ରୁ ବାହାରିବା ପରେ ୪ଜଣ ଦୁର୍ବୃତ୍ତ ବାଇକ୍ ରେ ଆସିଥିଲେ । ଦୁଇ ଜଣ ଦୁର୍ବୁତ୍ତ ତାଙ୍କ ଉପରକୁ ଦୁଇ ରାଉଣ୍ଡ ଗୁଳି ମାରିଥିବା ଜଣାପଡିଛି । ଯୁବକଙ୍କ ନାକରେ ଗୁଳି ବାଜିଛି । ଆହତ ମନରଞ୍ଜନ ବିନ୍ଧାଣିକୁ ବର୍ତ୍ତମାନ ବାଲେଶ୍ଵର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।
ତେବେ ଯୁବକଙ୍କୁ ଦୁର୍ବୃତ୍ତମାନେ କାହିଁକି ଗୁଳିମାଡ କଲେ, ତାହା ଏଯାଏ ଜଣାପଡ଼ି ନାହିଁ। ସହଦେବଖୁଣ୍ଟା ପୋଲିସ ଘଟଣାର ତଦନ୍ତ କରୁଛି। ଜମି ବ୍ୟବସାୟ ଓ ପୂର୍ବ ଶତ୍ରୁତାକୁ ନେଇ ଏହି ଘଟଣା ଘଟିଥିବାର ଚର୍ଚ୍ଚା ହେଉଛି।
