୭ ଜଣିଆ ଡକାୟତ ଗ୍ୟାଙ୍ଗ କାବୁ କଲା ବାଲେଶ୍ବର ପୋଲିସ

ଜଳେଶ୍ବର (ଉମାକାନ୍ତ ନାୟକ): ବ୍ଯାଙ୍କ ଲୁଟ ପାଂଇ ଯୋଜନା କରୁଥିବା ବେଳେ ୭ ଜଣିଆ ଡକାୟତ ଗ୍ୟାଙ୍ଗକୁ ବାଲେଶ୍ବର ଜିଲ୍ଲା ଜଳେଶ୍ବର ପୋଲିସ ଗିରଫ କରିଛି । ସେମାନଙ୍କ ନିକଟରୁ ପୋଲିସ ୩ଟି ବନ୍ଧୁକ,୧୫ଟି ଅଫୁଟା ଗୁଳି,୬ଟି ମୋବାଇଲ,ଗୋଟିଏ ମାରୁତି ସ୍ବିଫ୍ଟ କାର୍,୩ଟି ବାଇକ,୪ଟି ନମ୍ବର ପ୍ଲେଟ,ଗୋଟିଏ ଗ୍ୟାସ କଟର୍,ନଗଦ ୩୬ଶହ ଟଙ୍କା ଜବତ କରିଛି

ସୂଚନା ଅନୁସାରେ, ଜଳେଶ୍ବର ଥାନା ଅନ୍ତର୍ଗତ ଗୋବରଘାଟା ସ୍ଥିତ ଦଶହରା ପଡିଆ ନିକଟରେ ଏକତ୍ର ହୋଇ ରବିବାର ରାତି ଗୋଟାଏ ସମୟରେ ଡକାୟତି ପାଇଁ ଯୋଜନା କରୁଥିଲେ । ଏନେଇ ପଶ୍ଚିମବଙ୍ଗ ପୋଲିସ ଜଳେଶ୍ବର ଥାନାକୁ ସୂଚନା ଦେଇଥିଲେ । ପୋଲିସ ସଙ୍ଗେ ସଙ୍ଗେ ଦଶହରା ପଡିଆରେ ରେଡ୍ କରିଥିଲା । ସେଠାରୁ ୭ ଜଣଙ୍କୁ ପୋଲିସ ଗିରଫ କରିଛି। ସେମାନଙ୍କ ମଧ୍ୟରୁ ୪ ଜଣ ପଶ୍ଚିମ ମେଦିନିପୁର ଜିଲ୍ଲାର, ୨ଜଣ ଜଳେଶ୍ବର ଥାନା ଅଞ୍ଚଳର ଓ ଜଣକର ଘର ଦିଲ୍ଲୀରେ ବୋଲି ଜଣାପଡିଛି । ଏହି ଡକାୟତି ଗ୍ଯାଙ୍ଗ ବିଭିନ୍ନ ଅପରାଧିକ କାର୍ଯ୍ଯକଳାପ ଏବଂ ଲୁଟ ଘଟଣା ରେ ସାମିଲ ଥିବା ନେଇ ଜଳେଶ୍ବର ଥାନା ପରିସର ରେ ଆୟୋଜିତ ସାମ୍ବାଦିକ ସମ୍ମିଳନୀ ରେ ବାଲେଶ୍ବର ଏସପି ସାଗରିକା ନାଥ ସୂଚନା ଦେଇଛନ୍ତି ।