କଂଗ୍ରେସରୁ ଇସ୍ତଫା ଦେଲେ ବିଜୟ ପଟ୍ଟନାୟକ
ଭୁବନେଶ୍ବର (ସଂକେତ ଟିଭି): ବରିଷ୍ଠ ନେତା ବିଜୟ ପଟ୍ଟନାୟକ ଆଜି କଂଗ୍ରେସ ଦଳରୁ ଇସ୍ତଫା ଦେଇଛନ୍ତି । ବିଜୟ ମେଲ୍ ଯୋଗେ AICCକୁ ତାଙ୍କର ଇସ୍ତଫା ପତ୍ର ପଠାଇଥିବା ଜଣାପଡିଛି। ଦଳରେ ଅଣଦେଖା କରାଯାଇଥିବା ଭଲି ସଙ୍ଗୀନ ଅଭିଯୋଗ କରି ବିଜୟ ଇସ୍ତଫା ଦେଇଛନ୍ତି ।
ପ୍ରଶାସନିକ ଅଧିକାରୀରୁ କଂଗ୍ରେସ ନେତା ସାଜିଥିବା ବିଜୟ ପଟ୍ଟନାୟକ ଚଳିତ ନିର୍ବାଚନରେ ପାରଳାଖେମୁଣ୍ଡିରୁ ବିଧାନସଭା ନିର୍ବାଚନ ଲଢି ପରାଜିତ ହୋଇଥିଲେ। ତେବେ ଦଳ ଛାଡିବା ନେଇ ପ୍ରତିକ୍ରିୟାରେ ବିଜୟ ପଟ୍ଟନାୟକ କହିଛନ୍ତି, ଦଳରେ ମୋର କୌଣସି ପ୍ରକାର ଆବଶ୍ୟକତା ନଥିବା ମୁଁ ଅନୁଭବ କଲି । ମୁଁ କୌଣସି ପଦପଦବୀ ଆଶାରେ କଂଗ୍ରେସରେ ଯୋଗ ଦେଇନଥିଲେ । ଓଡିଶାବାସୀଙ୍କ ସେବା କରିବାକୁ ଆସିଥିଲି । ହେଲେ ଦଳ ମୋତେ ଯେତେବେଳେ ଗ୍ରହଣ କରୁନି, ତାହେଲେ କାହିଁକି ଏଥିରେ ରହିବି ବୋଲି ମନେ କଲି । ତେଣୁ ବହୁତ ଭାବିଚିନ୍ତି ଇସ୍ତଫା ଦେଇଛି । କୌଣସି ଦଳରେ ଯୋଗ ଦେବାର ନାହିଁ । କିନ୍ତୁ ମୁଁ ଲୋକଙ୍କ ପାଖକୁ ଯିବି, ଲୋକଙ୍କ ପାଇଁ କାମ କରିବି ବୋଲି ସେ କହିଛନ୍ତି ।
