ଦଳୀୟ ସ୍ବାର୍ଥ ବଦଳରେ କଂଗ୍ରେସ ନେତା ନିଜ ସ୍ବାର୍ଥ ହାସଲ କରୁଛନ୍ତି : ବାହିନୀପତି

ଭୁବନେଶ୍ବର (ସଂକେତ ଟିଭି): ଦଳୀୟ ସ୍ବାର୍ଥ ବଦଳରେ କଂଗ୍ରେସ ନେତା ନିଜ ସ୍ବାର୍ଥ ହାସଲ ପାଇଁ ଚେଷ୍ଟା କରୁଛନ୍ତି । ତାଙ୍କ ଭଳି ପ୍ରକୃତ କଂଗ୍ରେସ କର୍ମୀଙ୍କୁ କାନ୍ଦ ଲାଗୁଛି ବୋଲି ବରିଷ୍ଠ କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି କହିଛନ୍ତି ।

ତାରା କହିଛନ୍ତି, ଏବେ କଂଗ୍ରେସରେ ଗୋଡ଼ ଟଣାଟଣି ଚାଲିଛି। କଂଗ୍ରେସରେ କାହାର ମତ କାହା ସହ ଠିକ ରହୁନି । ଦଳରେ ଏବେ ବିଭାଜନ ସୃଷ୍ଟି ହେଲାଣି । ଏଭଳି ସ୍ଥିତିରେ କେବଳ ନିଜେ ବଞ୍ଚିଲେ ବାପାର ନାଁ ବୋଲି ମତ ଦେଇଛନ୍ତି ତାରା ।
କାହା ସହ କାହାର ମତ ଠିକ ରହୁନି। କଂଗ୍ରେସ ଗାନ୍ଧୀ ପରିବାର ଯାହା ନିଷ୍ପତି ନେବେ ତାକୁ ମାନିବାକୁ ପଡିବ। ଏବେର ନୀତି ଦେଖି କଂଗ୍ରେସ କର୍ମୀ ଭାଙ୍ଗି ଗଲେଣି। ସମସ୍ତଙ୍କୁ ଏକଜୁଟ ହେବା ଦରକାର ବୋଲି କହିଛନ୍ତି ତାରା। ବିଜେଡି, କଂଗ୍ରେସ ଭଳି ତାଙ୍କ ଦଳ ମଧ୍ୟ ତାଙ୍କୁ ବିରୋଧ କରୁଛି ବୋଲି ସେ କହିଛନ୍ତି ।