ନୂଆ ରୂପରେ ଆରମ୍ଭ ହେବ ଆଳୁ ମିଶନ : ମୁଖ୍ୟମନ୍ତ୍ରୀ
ଭୁବନେଶ୍ୱର(ସଂକେତ ଟିଭି): ପୂର୍ବ ସରକାରରେ ଲାଗୁ ହୋଇଥିବା ଆଳୁ ମିଶନ, ପିଆଜ ମିଶନ ପନିପରିବା ମିଶନ ଭଳି ଅନେକ ମିଶନ ଫେଲ୍ ମାରିଛି। ସେସବୁ ମିଶନକୁ ଆଉ ଥରେ ନୂଆ ରୂପରେ ନୂଆ ଉତ୍ସାହର ସହିତ ଆରମ୍ଭ ହେବ । ମୁଖ୍ଯମନ୍ତ୍ରୀ ମୋହନ ଚରଣ ମାଝି ଏହା କହିଛନ୍ତି ।
ସେ କହିଛନ୍ତି, ପୂର୍ବ ସରକାରରେ କୃତ୍ରିମ ସମସ୍ୟା ତିଆରି କରାଯାଇଥିଲା। ଆଳୁ ମିଶନକୁ ନିଜ ସରକାରକୁ ବଞ୍ଚାଇବାକୁ କରିଥିଲେ। ଚାଷୀ ବଞ୍ଚାଇବା କାର୍ଯ୍ୟକ୍ରମ ପୂର୍ବ ସରକାର କରି ନ ଥିଲେ। ଏବେ ପଞ୍ଜାବ ଓ ଉତ୍ତରପ୍ରଦେଶରୁ ଆଳୁ ଆସିଛି। ଆଉ ଏବେ ଆଳୁ ସମସ୍ୟା ସମାଧାନ ହୋଇଛି।
ଓୟୁଏଟିର ୬୩ତମ ବାର୍ଷିକ ଉତ୍ସବରେ ଯୋଗ ଦେଇ ମୁଖ୍ୟମନ୍ତ୍ରୀ ଓୟୁଏଟିର କୃଷି ବୈଜ୍ଞାନିକମାନଙ୍କୁ ଭଲ କିସମର ଆଳୁ ଗବେଷଣା କରିବାକୁ ଆହ୍ବାନ ଦେଇଛନ୍ତି । ସେହିଭଳି ପିପିପି ମୋଡରେ ଶୀତଳ ଭଣ୍ଡାର କରାଯିବ ବୋଲି ମୋହନ ମାଝି କହିଛନ୍ତି।
