ଫ୍ୟାନରେ ଝୁଲି ପଡ଼ିଲେ ମହିଳା କନିଷ୍ଠ ଯନ୍ତ୍ରୀ

ଭୋଗରାଇ (ଉମାକାନ୍ତ ନାୟକ): ବାଲେଶ୍ବର ଜିଲ୍ଲା ଭୋଗରାଇ ବ୍ଲକର ମହିଳା କନିଷ୍ଠ ଯନ୍ତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ଆନନ୍ଦ ବଜାର ସ୍ଥିତ କମଳା ଭବନରେ ଥିବା ଭଡ଼ା ଘରେ ରଶି ଲଗାଇ ଝୁଲି ପଡିଥିବା ଦେଖିବାକୁ ମିଳିଛି । ଘଟଣାସ୍ଥଳରେ ଭୋଗରାଇ ପୋଲିସ ପହଞ୍ଚି ତଦନ୍ତ ଆରମ୍ଭ ହୋଇଛି । ମହିଳା କନିଷ୍ଠ ଯନ୍ତ୍ରୀଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଛି ।

ସୂଚନା ଅନୁସାରେ, ମୃତକ ହେଉଛନ୍ତି ବାରିପଦା ଅଞ୍ଚଳର ମୋନାଲିସା ହେମ୍ବ୍ରମ(୨୬)। ସେ ଭୋଗରାଇ ବ୍ଲକରେ ପ୍ରାୟ ୫ ମାସ ପୂର୍ବେ କାର୍ଯ୍ୟରେ ଯୋଗ ଦେଇଥିଲେ । ଥାନା ଛକ ସ୍ଥିତ କମଳା ଭବନରେ ୪ ମହଲାରେ ରୁମ୍ ନମ୍ବର ୧୪ରେ ରହିଆସୁଥିଲେ । କାର୍ଯ୍ୟରେ ଯୋଗ ଦେବା ଠାରୁ ମନ୍ଧାରସାହି ପଞ୍ଚାୟତରେ କାର୍ଯ୍ୟ ଦାୟିତ୍ୱରେ ଥିଲେ । ଶୁକ୍ରବାର ବ୍ଲକରେ ଭିସି ଚାଲିଥିବା ବେଳେ ସେଠାରେ ସେ ଯୋଗ ଦେଇଥିଲେ । ପରେ ସେ ରୁମ୍କୁ ଆସିଥିଲେ । ଶନିବାର ସକାଳୁ ବ୍ଲଆଜି ଦୀର୍ଘ ସମୟ ଧରି ସେ ବାହାରକୁ ନ ବାହାରିବାରୁ ପାଖରେ ଭଡାରେ ରହୁଥିବା ଲୋକେ ଝରକା ପଟେ ଦେଖିବାକୁ ପାଇଥିଲେ ମୋନାଲିସା ନିଜ ଆପ୍ରୋନ ସାହାଯ୍ୟରେ ଫ୍ୟାନରେ ଝୁଲି ପଡ଼ିଛନ୍ତି। ମୋନାଲିସା ଭଡ଼ା ଘରେ ଏକାକୀ ରହୁଥିବା ବେଳେ ତାଙ୍କ ପାଖକୁ ଭାଇ ପରିଚୟରେ ଜଣେ ଯୁବକ ନିୟମିତ ଆସୁଥିଲା ବୋଲି କୁହାଯାଇଛି। ଖବର ପାଇ ତାଙ୍କ ପରିବାର ଲୋକେ ପହଞ୍ଚିଛନ୍ତି।