ଶ୍ରୀକୃଷ୍ଣ ଜନ୍ମାଷ୍ଟମୀ ଉତ୍ସବ ପାଳନ

ବାଲେଶ୍ବର(ସଂକେତ ଟିଭି): ଶ୍ରୀକୃଷ୍ଣ ଜନ୍ମାଷ୍ଟମୀ କମିଟି ପକ୍ଷରୁ ସିଦ୍ଧି କଲ୍ୟାଣ ମଣ୍ଡପ ଠାରେ ଶ୍ରୀକୃଷ୍ଣ ଜନ୍ମାଷ୍ଟମୀ ଉତ୍ସବ ପାଳିତ ହୋଇଅଛି। କାର୍ଯ୍ୟସୂଚୀ ଅନୁଯାଇ ନିର୍ଧାରିତ ସମୟରେ ଉଦଘାଟିତ ହେବା ସହ ପୂଜାର୍ଚ୍ଚନା କରାଯାଇଥିଲା । ପିଲାମାନଙ୍କୁ ନେଇ ଶ୍ରୀକୃଷ୍ଣ ବେଶ, ଶ୍ରୀକୃଷ୍ଣ ଆଧାରିତ ଚିତ୍ରାଙ୍କନ ଏବଂ ଶ୍ରୀମଦ ଭଗବତ ଗୀତା ଆବୃତି ପ୍ରତିଯୋଗିତାମୂଳକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।

କାର୍ଯ୍ୟକ୍ରମରେ ଗୋପାଲ କୁମାର ଖଣ୍ଡେଲୱାଲ ମୁଖ୍ୟ ଅତିଥି ଭାବେ ଯୋଗଦେଇ ଶ୍ରୀକୃଷ୍ଣ ଜନ୍ମାଷ୍ଟମୀ ତଥା ହିନ୍ଦୁ ମାନଙ୍କର ଧାର୍ମିକ ବିଚାରଧାରା ର ମହତ୍ୱ ବିଷୟରେ ମତବ୍ୟକ୍ତ କରିଥିଲେ । ମୂଖ୍ଯବକ୍ତା ସଞ୍ଜୟ କୁମାର ପଣ୍ଡା ଶ୍ରୀକୃଷ୍ଣଙ୍କ ମାର୍ଗଦର୍ଶନ ରେ ଅନୁପ୍ରାଣିତ ହେଲେ ଆମର ପାରିବାରିକ, ସାମାଜିକ ତଥା ବ୍ୟୈଶ୍ବିକ ଜୀବନ ମଙ୍ଗଳମୟ ହୋଇ ପାରିବ ବୋଲି ମତବ୍ୟକ୍ତ କରିଥିଲେ । କମିଟିର ଅଧ୍ୟକ୍ଷ ଶ୍ରୀଯୁକ୍ତ ଗିରିଜା ଶଙ୍କର ଆଚାର୍ଯ୍ୟ ସଭାପତିତ୍ବ କରିଥିଲେ । ସମ୍ମାନୀତ ଅତିଥି ଭାବେ ସଞ୍ଜୟ ମହାପାତ୍ର ଯୋଗଦେଇଥିଲେ । କମିଟିର ସମ୍ପାଦିକା ମନ୍ନସିନୀ ପଣ୍ଡା ମଞ୍ଚ ପରିଚାଳନା ତଥା ଧନ୍ୟବାଦ ଅର୍ପଣ କରିଥିଲେ । ସାଂସ୍କୃତିକ କାର୍ଯ୍ୟକ୍ରମ ସହ ସମ୍ବର୍ଦ୍ଧନା ପର୍ବ ଏବଂ ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହୋଇଥିଲା। ସୁଧାକର ପାଢୀ, ଶ୍ରୀ କ୍ଷେତ୍ରମୋହନ ମହାପାତ୍ର, ତୁଷାରକାନ୍ତି ପଣ୍ଡା, ଜଗବନ୍ଧୁ ପୃଷ୍ଟି, ରଜନୀକାନ୍ତ ଶତପଥି, ପ୍ରଫୁଲ୍ଲ କୁମାର ଦାସ, ମଧୁସୂଦନ ହୋତା, ପ୍ରଶାନ୍ତ ନାୟକ, ସୂର୍ଯ୍ୟକାନ୍ତ ପଣ୍ଡା, ରୋନାଲିସା ପଣ୍ଡା, ରମାକାନ୍ତ କର, ପବିତ୍ର ନାୟକ, ଅରୁଣ କୁମାର ମିଶ୍ର ପ୍ରମୁଖ ଅନ୍ୟାନ୍ୟ କର୍ମକର୍ତ୍ତା ମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।