କଂଗ୍ରେସରେ ସାମିଲ ହେଲେ କିସ୍ତି ଯୋଦ୍ଧା ଭିନେଶ ଫୋଗାଟ୍ ଓ ବଜରଙ୍ଗ ପୁନିଆ
ନୂଆଦିଲ୍ଲୀ (ସଂକେତ ଟିଭି): କୁସ୍ତି ଯୋଦ୍ଧା ଭିନେଶ ଫୋଗାଟ୍ ଓ ବଜରଙ୍ଗ ପୁନିଆ କଂଗ୍ରେସରେ ସାମିଲ୍ ହୋଇଛନ୍ତି । ଦିଲ୍ଲୀ ସ୍ଥିତି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କ ବାସଭାବନରେ ଦୁଇ ରେସଲର ବିଧିବଦ୍ଧ ଭାବେ ସାମିଲ ହୋଇଛନ୍ତି । ଏହି ସମୟରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ, ପାର୍ଟି ମହାସଚିବ କେ.ସି ବେଣୁ ଗୋପାଳ ଉପସ୍ଥିତ ଥିଲେ ।
ଅକ୍ଟୋବରରେ ହରିୟଣା ବିଧାନସଭା ନିର୍ବାଚନ ହେବାକୁ ଥିବାବେଳେ କଂଗ୍ରେସ ଉଭୟଙ୍କୁ ପ୍ରାର୍ଥୀ କରିପାରେ ବୋଲି କୁହାଯାଉଛି । ଦୁଇ ରେସଲର ଦୁଇ ଦିନ ପୂର୍ବରୁ ରାହୁଲ ଗାନ୍ଧିଙ୍କ ସହିତ ସାକ୍ଷାତ କରିଥିଲେ । କଂଗ୍ରେସ ମିଶିବା ପୂର୍ବରୁ କୁସ୍ତି ଯୋଦ୍ଧା ଭିନେଶ ଫୋଗାଟ୍ ରେଲଓ୍ବେ ଚାକିରି ଛାଡ଼ିଛନ୍ତି । ଅକ୍ଟୋବର ୫ ତାରିଖରେ ହରିୟଣା ବିଧାନସଭା ନିର୍ବାଚନ ରହିଛି। ଅକ୍ଟୋବର ୮ ତାରିଖରେ ଭୋଟ୍ ଗଣତି ହେବ ।
