ବାୟୁସେନାର ନୂଆ ଏୟାର ଚିଫ୍ ମାର୍ଶଲ ହେବେ ଅମର ପ୍ରୀତ ସିଂ

ନୂଆଦିଲ୍ଲୀ (ସଂକେତ ଟିଭି): ଏୟାର ମାର୍ଶାଲ ଅମର ପ୍ରୀତ୍ ସିଂ ଭାରତର ନୂଆ ବାୟୁସେନା ମୁଖ୍ୟ ହେବେ। ସେ ଆସନ୍ତା ୩୦ରେ ଦାୟିତ୍ବ ଗ୍ରହଣ କରିବେ । ଏୟାର ମାର୍ଶାଲ ବିବେକରାମ ଚୌଧୁରୀ ଅବସର ନେବା ପରେ ତାଙ୍କ ସ୍ଥାନରେ ଅମର ପ୍ରୀତ୍ ଙ୍କୁ ନିଯୁକ୍ତି ମିଳିବ। ଏବେ ଅମର ପ୍ରୀତ୍ ବାୟୁସେନାର ଉପମୁଖ୍ୟ ଭାବେ କାର୍ଯ୍ୟରତ ଅଛନ୍ତି ।

ଏୟାର ମାର୍ଶାଲ ଅମରପ୍ରୀତ ସିଂ ଭାରତୀୟ ବାୟୁସେନାରେ ୧୯୮୪ ଡିସେମ୍ବର ୨୧ରୁ କ୍ଯାରିୟର ଆରମ୍ଭ କରିଥିଲେ। ସେ ନ୍ଯାସନାଲ ଡିଫେନ୍ସ ଏକାଡେମୀ, ଡିଫେନ୍ସ ସର୍ଭିସ ଷ୍ଟାଫ କଲେଜ ଓ ନ୍ଯାସନାଲ ଡିଫେନ୍ସ କଲେଜରୁ ଶିକ୍ଷାଲାଭ କରିଥିଲେ । ସେ ଫ୍ଲାଇଟ କମାଣ୍ଡର ଓ ମିଗ-୨୭ ସ୍କ୍ବାଡ୍ରନର କମାଣ୍ଡିଂ ଅଫିସର ଥିଲେ।