ଡ୍ୟୁଟି ସମୟରେ ପୋଲିସ୍ ବର୍ଦ୍ଦି ବାଧ୍ୟତାମୂଳକ; ନିର୍ଦେଶ ଦେଲେ ଡିଜିପି
ଭୁବନେଶ୍ୱର (ସଂକେତ ଟିଭି): ଡ୍ୟୁଟି ବେଳେ ବର୍ଦ୍ଦି ପିନ୍ଧିବା ପୋଲିସ୍ ପାଇଁ ବାଧ୍ୟତାମୂଳକ କରାଯାଇଛି। ଏନେଇ ପୋଲିସ୍ ଡିଜି ୱାଇ.ବି ଖୁରାନିଆ ସବୁ ଜିଲ୍ଲାର ଏସ୍ପି, ଡିସିପି ଏବଂ ରେଞ୍ଜ ଡିଆଇଜିଙ୍କୁ କଡ଼ା ନିର୍ଦ୍ଦେଶ ଦେଇଛନ୍ତି। ଏସ୍ପିମାନେ ସମସ୍ତ ଥାନାକୁ ଡ୍ୟୁଟି ସମୟରେ ପୋଷାକ ପିନ୍ଧିବାକୁ କଡ଼ା ନିର୍ଦ୍ଦେଶ ଦେବେ। ଯେଉଁମାନେ ପୋଷାକ ନ ପିନ୍ଧିବେ, ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନେବାକୁ ଡିଜିପି ନିର୍ଦ୍ଦେଶ ଦେଇଛନ୍ତି।
ସୂଚନାଯୋଗ୍ୟ, ଡ୍ୟୁଟି ସମୟରେ ଭରତପୁର ଥାନାରେ ଜଣେ ମହିଳା ପୋଲିସ୍ ଅଫିସର୍ ନାଇଟ୍ ପିନ୍ଧିଥିବା ନେଇ ମେଜର୍ଙ୍କ ବାନ୍ଧବୀ ଅଭିଯୋଗ ଆଣିଥିଲେ। ଏହାକୁ ନେଇ ବିବାଦ ବଢ଼ିବାରୁ ଡିଜି ଖୁରାନିଆ ଏହାକୁ ଗୁରୁତ୍ବର ସହ ନେଇ ଏପରି ନିର୍ଦ୍ଦେଶନାମା ଦେଇଛନ୍ତି।
