ଓଲଟିଲା ୟୁପି ତୀର୍ଥଯାତ୍ରୀ ବସ୍: ୪ ମୃତ, ୨୩ ଗୁରୁତର

ଜଳେଶ୍ବର (ସଂକେତ ଟିଭି): ବାଲେଶ୍ବର ଜିଲ୍ଲା ଜଳେଶ୍ବରଠାରେରେ ତୀର୍ଥଯାତ୍ରୀ ବସ୍ ଦୁର୍ଘଟଣାଗ୍ରସ୍ତ ହୋଇ ୪ ଜଣ ଯାତ୍ରୀଙ୍କ ମୃତ୍ଯୁ ହୋଇଥିବାବେଳେ ୨୩ରୁ ଅଧିକ ଯାତ୍ରୀ ଆହତ ହୋଇଛନ୍ତି । ମୃତକଙ୍କ ମଧ୍ୟରେ ଅଛନ୍ତି ଜଣେ ମହିଳା ରହିଛନ୍ତି ।

ସୂଚନା ଅନୁସାରେ, କ୍ରିଷ୍ଣା ନାମକ ବସଟି ଉତ୍ତର ପ୍ରଦେଶର ସିଦ୍ଧାର୍ଥ ନଗର ଅଞ୍ଚଳରୁ ୫୭ ଜଣରୁ ଅଧିକ ତୀର୍ଥ ଯାତ୍ରୀଙ୍କୁ ନେଇ ପୁରୀ ଅଭିମୁଖେ ଯାଉଥିଲା। ଜଳେଶ୍ଵର ଥାନା ୧୬ ନମ୍ବର ଜାତୀୟ ରାଜପଥ ମଧୁବନ ଢାବା ନିକଟରେ ଡ୍ରାଇଭରଙ୍କ ଆଖି ଲାଗି ଯିବାରୁ ବସଟି ୨୦ ଫୁଟ ବିଲକୁ ଓଲଟି ପଡିଥିଲା । ଫଳରେ ଯାତ୍ରୀମାନେ ବସ୍ ତଳେ ଚାପି ହୋଇ ରହି ଯାଇଥିଲେ । ଦୁର୍ଘଟଣାସ୍ଥଳରେ ପୋଲିସ, ଅଗ୍ନିଶମ ବାହିନୀ ଓ ସ୍ଥାନୀୟ ଲୋକେ ମିଶି ଆହତ ଯାତ୍ରୀ ତଥା ଅନ୍ଯମାନଙ୍କୁ ଉଦ୍ଧାର କରିଥିଲେ । ଆହତମାନେ ଜଳେଶ୍ଵର ଜିକେ ଭଟ୍ଟର ହସ୍ପିଟାଲରେ ଚିକିତ୍ସିତ ହେଉଥିବା ଜଣାପଡିଛି । ଘଟଣାସ୍ଥଳରୁ ବସ୍ ଡ୍ରାଇଭର ଓ ହେଲପର ଫେରାର ଅଛନ୍ତି ।