ଅବସର ଘୋଷଣା କଲେ ତାରକା ଟେନିସ୍ ଖେଳାଳି ରାଫେଲ ନାଡାଲ
ସ୍ପେନ (ସଂକେତ ଟିଭି): ସ୍ପେନର ତାରକା ଟେନିସ୍ ଖେଳାଳି ରାଫେଲ ନାଡାଲ ଅବସର ଘୋଷଣା କରିଛନ୍ତି । ସୋସିଆଲ ମିଡିଆରେ ଏକ ଭାବପ୍ରବଣ ଭିଡିଓ ପୋଷ୍ଟ କରି ନାଡାଲ ଅବସର ଘୋଷଣା କରିଛନ୍ତି।
ରାଫେଲ ନାଡାଲ ପୁରୁଷ ଏକକ ବର୍ଗରେ ନାଡାଲଙ୍କର ୨୨ ଟି ଗ୍ରାଣ୍ଡସ୍ଲାମ ଟାଇଟଲ୍ ଜିତିଛନ୍ତି। କେବଳ ସର୍ବିଆର ନୋଭାକ ଜୋକୋଭିକ୍ ତାଙ୍କ ଅପେକ୍ଷା ଅଧିକ ଗ୍ରାଣ୍ଡସ୍ଲାମ ଜିତିଛନ୍ତି। ନାଡାଲ ଟେନିସର ମହାନ ଖେଳାଳିଙ୍କ ମଧ୍ୟରେ ଅନ୍ଯତମ। ଫ୍ରେଞ୍ଚ ଓପନରେ ନାଡାଲ ତାଙ୍କ କ୍ୟାରିୟରରେ ଅଧିକାଂଶ ଗ୍ରାଣ୍ଡସ୍ଲାମ ଜିତିଛନ୍ତି। ଡେଭିସ୍ କପ୍ ଫାଇନାଲ୍ ନାଡାଲଙ୍କ ପେସାଦାର ଟେନିସ୍ କ୍ୟାରିୟରର ଶେଷ ମ୍ୟାଚ୍ ହେବ। ଆସନ୍ତା ନଭେମ୍ବରରେ ଡେଭିସ କପ୍ ଟୁର୍ନାମେଣ୍ଟ ଅନୁଷ୍ଠିତ ହେବ।
ନାଡାଲଙ୍କ ନାମରେ ୯୨ ଟି ଏଟିପି ସିଙ୍ଗଲ୍ ଟାଇଟଲ୍ ଅଛି, ସେଥିମଧ୍ୟରେ ୩୬ ଟି ମାଷ୍ଟର୍ ଟାଇଟଲ୍ ଏବଂ ଏକ ଅଲିମ୍ପିକ୍ ସ୍ୱର୍ଣ୍ଣ ପଦକ। ନାଡାଲଙ୍କ ନାମରେ ମଧ୍ୟ ଏକ ବିଶେଷ ସଫଳତା ରହିଛି। ପୁରୁଷ ଟେନିସ୍ ଇତିହାସରେ ସେ କେବଳ ତିନି ଜଣ ଖେଳାଳିଙ୍କ ମଧ୍ୟରୁ ଜଣେ ଯିଏକି ତାଙ୍କ କ୍ୟାରିୟରରେ ଗୋଲ୍ଡେନ ସ୍ଲାମ୍ ପୂରଣ କରିଛନ୍ତି।