ଧାନ ମଣ୍ଡି ଜଗିବେ ବିଜେପି କୃଷକ ମୋର୍ଚ୍ଚା

ଭୁବନେଶ୍ବର (ସଂକେତ ଟିଭି): ଚାଷୀଙ୍କଠାରୁ ଧାନ କିଣା ସମୟରେ ମଣ୍ଡି ଜଗିବେ ବିଜେପି କୃଷକ ମୋର୍ଚ୍ଚା । ଚାଷୀ ଆଉ କଟନୀ ଛଟନି ଶିକାର ହେବେନି କି ମିଲରଙ୍କ ଶୋଷଣର ଶିକାର ହେବେ ନାହିଁ । ଏଥିପାଇଁ ବିଜେପି କୃଷକ ମୋର୍ଚ୍ଚା ଏକ ପ୍ରସ୍ତୁତି ବୈଠକ କରିଛି।

ଏହି ବୈଠକରେ ମତ୍ସ୍ୟ ପଶୁ ସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ଯୋଗ ଦେଇ କୃଷକ ମୋର୍ଚ୍ଚା କର୍ମୀଙ୍କୁ ମଣ୍ଡି ଜଗିବା ପାଇଁ ଆହ୍ୱାନ ଦେଇଛନ୍ତି। ସେ କହିଛନ୍ତି, ଚାଷୀ ଓ ସରକାରଙ୍କ ମଧ୍ୟରେ ସେତୁ ଭଳି କାମ କରିବ କୃଷକ ମୋର୍ଚ୍ଚା। ଏହାସହ ମୋର୍ଚ୍ଚାର କର୍ମୀମାନେ ବିଭିନ୍ନ ମଣ୍ଡି ବୁଲି ଧାନ କିଣା ଉପରେ ନଜର ରଖିବେ।