ଇଡକୋ ଜୁନିୟର ମ୍ୟାନେଜରଙ୍କ ଘରେ ଭିଜିଲାନ୍ସ ଚଢାଉ
ଭୁବନେଶ୍ୱର (ସଂକେତ ଟିଭି): ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଇଡ୍କୋ ଜୁନିୟର ମ୍ୟାନେଜର ବିଜୟ ଉଦୟସିଂହଙ୍କ ଘର ସମେତ ଭୁବନେଶ୍ୱର, ଖୋର୍ଦ୍ଧା ଓ ପୁରୀର ୬ଟି ସ୍ଥାନରେ ଏକକାଳୀନ ରେଡ୍ କରାଯାଇଥିଲା। ଚଢାଉରେ ୮ ଜଣ ଡିଏସପି, ୮ ଜଣ ଇନ୍ସପେକ୍ଟର ଓ ଅନ୍ୟାନ୍ୟ ଭିଜିଲାନ୍ସ କର୍ମଚାରୀ ସାମିଲ ଥିଲେ।
ଭିଜିଲାନ୍ସ ପକ୍ଷରୁ ମିଳିଥିବା ସୂଚନା ଅନୁଯାୟୀ ବିଜୟଙ୍କର ଭୁବନେଶ୍ବର ଆର୍ଯ୍ୟ ବିହାରର ୫୦୪ ପ୍ଳଟ୍ରେ ୪ ମହଲା କୋଠା ରହିଛି, ଏହାର ଦାମ୍ ପ୍ରାୟ ୧୦ କୋଟିରୁ ଅଧିକ ହେବ। ଏଠାରେ ୩୨ ଟା ଫ୍ୟାନ୍ ୧୨ ଟା ଏସି ଲାଗିଛି। ସେହିଭଳି ପୁରୀ ବାଲୁଖଣ୍ଡରେ ଗୋଟିଏ ଫ୍ଲାଟ, ଭୁବନେଶ୍ବର ଓ ଖୋର୍ଦ୍ଧାରେ ୩ଟି ଘର ରହିଛି। ୩୩ ଲକ୍ଷର ବ୍ୟାଙ୍କ ଜମା ସହ ନଗଦ ସାଢ଼େ ୪ ଲକ୍ଷ ଟଙ୍କା ମଧ୍ୟ ଜବତ ହୋଇଛି। ବର୍ତ୍ତମାନ ମଧ୍ଯ ଚଢାଉ ଜାରି ରହିଛି । ଆଗକୁ ଚଢାଉ ପରେ ଜବତ ସମ୍ପତ୍ତିର ଆକଳନ ହେବ ବୋଲି ଭିଜିଲାନ୍ସ ପକ୍ଷରୁ କୁହାଯାଇଛି ।
