୫ହଜାର ଟଙ୍କା ଲାଞ୍ଚ ନେଇ ଧରିପଡିଲେ ରାଜସ୍ବ ନିରୀକ୍ଷକ

ଭଦ୍ରକ (ସଂକେତ ଟିଭି): ୫ହଜାର ଟଙ୍କା ଲାଞ୍ଚ ନେବାବେଳେ ଭଦ୍ରକ ଜିଲ୍ଲା ତିହିଡି ତହସିଲ ଅଧିନ ଗଦି ରାଜସ୍ବ ନିରୀକ୍ଷକ ଭାଗବତ ଖଟୁଆ ଭିଜିଲାନ୍ସ ହାତରେ ଗିରଫ ହୋଇଛନ୍ତି । ଏହି ଘଟଣାରେ ଭିଜିଲାନ୍ସ ପକ୍ଷରୁ ଏକ ମାମଲା (୧୫/୨୦୨୪)ରୁଜୁ କରାଯାଇ ତାଙ୍କ ଘର ଓ ଅନ୍ୟ ୨ଟି ସ୍ଥାନରେ ଚଢ଼ାଉ ଜାରି ରହିଛି।

ସୂଚନା ଅନୁସାରେ, ଜାମଜୋଡୀ ପଞ୍ଚାୟତ ଅନ୍ତର୍ଗତ ଅମୃତପୁର ଗ୍ରାମର ବିଜୟ ମଲ୍ଲିକ ନିଜ ଜମିର କିସମ ପରିବର୍ତ୍ତନ କରିବା ପାଇଁ ରାଜସ୍ବ ନିରୀକ୍ଷକ ଭାଗବତ ଖଟୁଆଙ୍କ ପାଖକୁ ଯାଇଥିଲେ । ବାରମ୍ବାର ଯିବା ପରେ ଲାଞ୍ଚ ନ ଦେଲେ କିସମ ପରିବର୍ତ୍ତନ ସମ୍ଭବ ନୁହେଁ ବୋଲି ଖୋଲାଖୋଲି ବିଜୟଙ୍କୁ ଜଣାଇ ଦେଇଥିଲେ। ନିରାଶ ହୋଇ ବିଜୟ ଭିଜିଲାନ୍ସ ଅଫିସ ସହ ଯୋଗାଯୋଗ କରିଥିଲେ। ଯୋଜନା ମୁତାବକ ରାଜସ୍ବ ନିରୀକ୍ଷକ ଭାଗବତ ଖଟୁଆ ବିଜୟଙ୍କ ଠାରୁ ୫ହଜାର ଟଙ୍କା ଲାଞ୍ଚ ନେଲାବେଳେ ପୂର୍ବରୁ ପ୍ରସ୍ତୁତ ହୋଇଥିବା ଭିଜିଲାନ୍ସ କର୍ମଚାରୀ ମାନେ ମାଡି ବସିଥିଲେ।