ନୂଆବର୍ଷରୁ ଭୁବନେଶ୍ୱରରୁ ୫ ସହରକୁ ଆରମ୍ଭ ହେବ ବିମାନ ଉଡ଼ାଣ
ଭୁବନେଶ୍ବର (ସଂକେତ ଟିଭି): ନୂଆବର୍ଷ ଆରମ୍ଭରୁ ଭୁବନେଶ୍ୱର ବିମାନବନ୍ଦରରୁ ୫ ସହରକୁ ବିମାନ ଉଡ଼ାଣ କରିବ। ଇନ୍ଦୋର, ଡେରାଡୁନ୍, ଲକ୍ଷ୍ନୌ, ଜୟପୁର ଓ କୋଚିନକୁ ବିମାନ ସେବା ଆରମ୍ଭ ହେବ। ଏ ନେଇ ଭୁବନେଶ୍ୱର ବିମାନବନ୍ଦର ନିର୍ଦ୍ଦେଶକ ପ୍ରସନ୍ନ ପ୍ରଧାନ ସୂଚନା ଦେଇଛନ୍ତି
୨୦୨୫ ଜାନୁଆରୀ ୧ ତାରିଖରୁ ସପ୍ତାହକୁ ୪ଦିନ ଇନ୍ଦୋର ଅଭିମୁଖେ ଇଣ୍ଡିଗୋ ବିମାନ ଯାତ୍ରା କରିବ। ଡେରାଡୁନ୍କୁ ସପ୍ତାହକୁ ୩ ଦିନ ଯାତ୍ରୀ ବିମାନଯାତ୍ରା କରିପାରିବେ । ସେହିପରି ଜାନୁୟାରୀ ୩ରୁ ଲକ୍ଷ୍ନୌ ଓ ଜୟପୁରକୁ ସପ୍ତାହରେ ୩ ଦିନ ବିମାନ ସେବା ଯୋଗାଯିବ। ଏହାବ୍ୟତୀତ ଏୟାରଇଣ୍ଡିଆ କୋଚିନକୁ ସପ୍ତାହରେ ୭ଦିନ ଯାକ ସେବା ଯୋଗାଇବ ।
ଏୟାର ଇଣ୍ଡିଆ ଏକ୍ସପ୍ରେସ ଜାନୁଆରୀ ୨ ରୁ କୋଚିନ୍କୁ ଦୈନିକ ବିମାନ ସେବା ଆରମ୍ଭ କରିବ। ଇନ୍ଦୋର ଏବଂ ଡେରାଡୁନକୁ ଇଣ୍ଡିଗୋ ବିମାନଗୁଡ଼ିକ ଭୁବନେଶ୍ୱରରୁ ଅପରାହ୍ନ ୩ଟାରୁ ଯାତ୍ରା କରିବ। ଏୟାର ଇଣ୍ଡିଆ ଏକ୍ସପ୍ରେସ ଭୁବନେଶ୍ୱରରୁ ପାଞ୍ଚଟି ନୂତନ ଗନ୍ତବ୍ୟସ୍ଥଳ ସହିତ ଏହାର ନେଟୱାର୍କକୁ ବିସ୍ତାର କରିବାକୁ ଯୋଜନା କରିଛି।
