ଜେଲ୍ରୁ ବାହାରିଲେ ତେଲୁଗୁ ସୁପରଷ୍ଟାର ଅଲ୍ଲୁ ଅର୍ଜୁନ
ହାଇଦ୍ରାବାଦ୍ (ସଂକେତ ଟିଭି): ଗୋଟିଏ ରାତି ଜେଲ୍ ରେ କାଟିବା ପରେ ତେଲୁଗୁ ସୁପରଷ୍ଟାର ଅଲ୍ଲୁ ଅର୍ଜୁନ ଶନିବାର ଜେଲରୁ ମୁକୁଳିଛନ୍ତି । ଆଇନ୍କୁ ପ୍ରତି ପୂରା ସମ୍ମାନ ଅଛି ବୋଲି ଅଲ୍ଲୁ ଅର୍ଜୁନ କହିବା ସହିତ କର୍ତ୍ତୃପକ୍ଷଙ୍କ ସହ ସମ୍ପୂର୍ଣ୍ଣ ସହଯୋଗ କରିବାକୁ ପ୍ରତିଶ୍ରୁତି ଦେଇଛନ୍ତି। ତାଙ୍କ ଅଭିନୀତ ସିନେମା ‘ପୁଷ୍ପା-୨’ର ପ୍ରିମିୟର୍ ସୋ’ ବେଳେ ଦଳାଚକଟାରେ ଜଣେ ମହିଳାଙ୍କ ମୃତ୍ୟୁ ଘଟିବା ମାମଲାରେ ତାଙ୍କୁ ଗିରଫ କରାଯାଇଥିଲା।
ଜେଲ୍ ରୁ ବାହାରକୁ ବାହାରି ଗଣମାଧ୍ୟମକୁ ସମ୍ବୋଧିତ କରିଥିଲେ। ସେ ଗତକାଲି ହାଇଦ୍ରାବାଦ ଜେଲରେ ରାତି କାଟିବା ସହ ନିଜ ଜୁବୁଲି ହିଲ୍ସ ଘରକୁ ଫେରିଥିଲେ। ଘର ସାମନାରେ ଥିବା ପ୍ରଶଂସକମାନଙ୍କୁ କହିଛନ୍ତି, ଯେ ଫ୍ୟାନ୍ସଙ୍କ ଭଲପାଇବା ଏବଂ ସମର୍ଥନ ପାଇଁ ଧନ୍ୟବାଦ । ମୁଁ ଭଲ ଅଛି ଏବଂ ଚିନ୍ତା କରିବାର କିଛି ନାହିଁ । ଘଟିଥିବା ଦୁର୍ଘଟଣା ଅତ୍ୟନ୍ତ ଦୁଃଖଦ । ଏହା ହେବାର ନଥିଲା । ତଦନ୍ତରେ ମୁଁ ପୋଲିସକୁ ସମ୍ପୂର୍ଣ୍ଣ ସାହାଯ୍ୟ କରିବି । ଏହା ଏକ ଦୁର୍ଘଟଣା । ସେଠାରେ, ମୋ ଅଧୀନରେ କିଛି ନଥିଲା । ଯାହା ଘଟିଲା ସେଥିପାଇଁ ଦୁଃଖିତ । ମୁଁ ୨୦ ବର୍ଷରୁ ଅଧିକ ସମୟ ଧରି ପ୍ରେକ୍ଷାଳୟକୁ ଯାଉଛି ଏବଂ ଏହିପରି କୌଣସି ଜିନିଷର ସମ୍ମୁଖୀନ ହୋଇନାହିଁ । ଏହା ଏକ ଅପ୍ରତ୍ୟାଶିତ ଏବଂ ଦୁର୍ଭାଗ୍ୟଜନକ ଘଟଣା ଥିଲା । “
ଏହି ଦୁଃଖ ସମୟରେ ତାଙ୍କର ଅଦମ୍ୟ ସମର୍ଥନ ପାଇଁ ପ୍ରଶଂସକଙ୍କୁ ଧନ୍ୟବାଦ ଜଣାଇ ୪୧ ବର୍ଷୀୟ ତାରକା ସ୍ୱୀକାର କରିଛନ୍ତି ଯେ ଏହା ତାଙ୍କ ଏବଂ ତାଙ୍କ ପ୍ରିୟଜନଙ୍କ ପାଇଁ କଷ୍ଟକର ସମୟ ଅଟେ। ଦଳାଚକଟାରେ ଜୀବନ ହରାଇ ଥିବା ମହିଳାଙ୍କ ପ୍ରତି ସମବେଦନା ଜଣାଇବା ସହ ଏହା ଏକ ଅନିଚ୍ଛାକୃତ ଦୁର୍ଘଟଣା ବୋଲି କହିଛନ୍ତି।
