ରେମୁଣା ତହସିଲାଦରଙ୍କ ଘରେ ଭିଜିଲାନ୍ସ ଚଢାଉ

ବାଲେଶ୍ବର(ସଂକେତ ଟିଭି): ଆୟ ବହିର୍ଭୂତ ସମ୍ପତ୍ତି ରଖିବା ଅଭିଯୋଗରେ ବାଲେଶ୍ବର ଜିଲ୍ଲା ରେମୁଣା ତହସିଲଦାର ବିଦ୍ୟାଧର ପତିଙ୍କ ଘର ସମେତ ସାତଟି ସ୍ଥାନରେ ଭିଜିଲାନ୍ସ ଚଢାଉ କରିଛି । ଏହି ଚଢାଉରେ 6 ଜଣ ଡିଏସପି, 3 ଜଣ ଇନ୍ସପେକ୍ଟର, 10 ଜଣ ଏଏସଆଇ ଏବଂ ଅନ୍ୟାନ୍ୟ ସହାୟକ କର୍ମଚାରୀ ସାମିଲ ଅଛନ୍ତି ।

ସୂଚନା ଅନୁସାରେ, ସ୍ୱତନ୍ତ୍ର ବିଚାରପତି, ଭିଜିଲାନ୍ସ, ଭୁବନେଶ୍ୱରଙ୍କ ଦ୍ୱାରା ଜାରି କରାଯାଇଥିବା ସର୍ଚ୍ଚ ୱାରେଣ୍ଟ ବଳରେ ଏହି ଚଢାଉ କରାଯାଇଛି । ତାଙ୍କର ଭୁବନେଶ୍ବର ଶୈଳଶ୍ରୀ ବିହାରଠାରେ ଥିବା ଫ୍ଲାଟ୍, ଭୁବନେଶ୍ବର ରୁଦ୍ରପୂରଠାରେ ଥିବା ଫ୍ଲାଟ୍, ବାଲେଶ୍ବର ଜିଲ୍ଲା କୁରୁଡାଠାରେ ଥିବା ଦୁଇ ମହଲା କୋଠା, ସୋର ଆନରିଠାରେ ଥିବା ତାଙ୍କର ପୈତୃକ ଘର ତାଙ୍କର ଅଫିସ ତଥା ବାସଭବନରେ ଏହି ଚଢାଉ କରାଯାଇଥିବା ସୂଚନା ମିଳିଛି ।

ଚଢାଉ ସମୟରେ, ଭିଜିଲାନ୍ସ ଟିମ ଶ୍ରୀପତିଙ୍କର ଶୈଳଶ୍ରୀ ବିହାରରେ ଏକ 3-BHK ଫ୍ଲାଟ୍ ଏବଂ ଭୁବନେଶ୍ୱରର ରୁଦ୍ରପୁରରେ ଏକ 3-BHK ଏକଜିକ୍ୟୁଟିଭ୍ ଫ୍ଲାଟ୍ ଠାବ କରିଛି। ସେହିପରି ବାଲେଶ୍ୱରର କୁରୁଡାରେ ଏକ 3-BHK ଫ୍ଲାଟ୍, ଭୁବନେଶ୍ୱର ଏବଂ ବାଲେଶ୍ୱରରେ ଦୁଇଟି ପ୍ଲଟ୍ ଏବଂ 100 ଗ୍ରାମ ସୁନା ମଧ୍ୟ ଭିଜିଲାନ୍ସ ଦଳ ପାଇଛି।

ବ୍ୟାଙ୍କ ଜମା ଏବଂ ଅନ୍ୟାନ୍ୟ ନିବେଶ ଯାଞ୍ଚ କରାଯାଉଛି। ଭୁବନେଶ୍ୱରର ନୀଳାଦ୍ରି ବିହାର ଶାଖାର UCO ବ୍ୟାଙ୍କରେ ତାଙ୍କ ପତ୍ନୀଙ୍କ ନାମରେ ପରିଚାଳିତ ଏକ ଲକର ଏପର୍ଯ୍ୟନ୍ତ ଖୋଲାଯାଇ ନାହିଁ। ତଲାସୀ ଜାରି ରହିଛି ବୋଲି ଭିଜିଲାନ୍ସ ପକ୍ଷରୁ ସୂଚନା ଦିଆଯାଇଛି ।