ନିମିକି ସଡ଼କ ପାଲଟିଛି ଅପରାଧୀଙ୍କ ଚରାଭୂଇଁ, ପୋଲିସର ନିଷ୍କ୍ରିୟତାକୁ ନେଇ ପ୍ରଶ୍ନବାଚୀ

ବାଲେଶ୍ୱର (ସଂକେତ ଟିଭି): ବାଲେଶ୍ୱର ଜିଲ୍ଲାର ବାସୁଦେବପୁରରୁ ବଙ୍କାଖେତୁରୀ ଛକ ପର୍ଯ୍ୟନ୍ତ ଲମ୍ବିଥିବା ନିମିକି ସଡ଼କଟି ବର୍ତ୍ତମାନ ଅପରାଧୀମାନଙ୍କ ଚରାଭୂଇଁରେ ପରିଣତ ହୋଇଛି। ଏହି ସଡ଼କଟି ୭ଟି ଥାନା ଅଞ୍ଚଳ ମଧ୍ୟରେ ଦେଇ ଯାଇଛି, ଯେଉଁଥିରେ ଅନନ୍ତପୁର, ଗୋପାଳପୁର, ସାଉଡୁ, କସବା, ସୋର, ଖନ୍ତାପଡା, ସଦର ଥାନା, ଚାନ୍ଦିପୁର ଓ ଦାଲେଶ୍ୱର ଟାଉନ ଥାନାର ଗ୍ରାମାଞ୍ଚଳ ଅନ୍ତର୍ଭୁକ୍ତ। ଏତେ ଥାନା ଓ ପୋଲିସ ଫାଣ୍ଡି ଥାଇମଧ୍ୟ ଏହି ରାସ୍ତାରେ ଛିନତାଇ, ଡକାୟତି, ଚୋରା ଗୋରୁ ଚାଲାଣ, ଚୋରା ମଦ ଓ ଧଳା ଜହର (ବ୍ରାଉନ୍ ସୁଗର) କାରବାର ବେଳେବେଳେ ବୃଦ୍ଧି ପାଇଛି।

ଅପରାଧୀଙ୍କ ଉଦ୍ଧତତା, ପୋଲିସର ନିରବତା
ସ୍ପଷ୍ଟ ଦିନାଲୁକରେ ଛିନତାଇ, ମାରଣାତ୍ମକ ଆକ୍ରମଣ ଓ ଗୋ-ଚାଲାଣ ଘଟଣା ବଢ଼ିବା ସହିତ ସାଧାରଣ ଲୋକେ ଭୟଭୀତ। ଗୋପାଳପୁର, ସାରଗାଁ ଆଦି ସ୍ଥାନରେ ସରକାରୀ ମଦ ଦୋକାନ ଓ ପ୍ରତ୍ୟେକ ଛକରେ ଚୋରା ମଦ କାରବାର ଯୁବସମାଜକୁ ନଷ୍ଟ କରୁଛି। ଅଭିଯୋଗ ଅନୁସାରେ, ପୋଲିସ ଅପରାଧୀଙ୍କ ସହ ମିଳାମିଶା କରୁଥିବା ଓ ମୋକଦ୍ଦମା ଦାଖଲ କରି ନିଷ୍କ୍ରିୟ ରହୁଥିବା କୁହାଯାଉଛି। କୁଅଁରପୁର ଛକରୁ ଓନୁଶାଳ ପର୍ଯ୍ୟନ୍ତ ଛିନ୍ନତା ବୃଦ୍ଧି ପାଇଛି, ଯେଉଁଠାରେ ଗତକାଲି ସକାଳେ ଦୁଇ ଘଣ୍ଟା ଧରି ଖଣ୍ଡା ଭୁଜାଲିରେ ଲକ୍ଷାଧିକ ଟଙ୍କା ଲୁଟ୍ ହୋଇଥିଲା। ଏକ ବର୍ଷରେ ୨୦୦ରୁ ଅଧିକ ଛିନତାଇ ଘଟିଛି, ମାତ୍ର ଅଭିଯୋଗକାରୀମାନେ ପୋଲିସର ନିଷ୍କ୍ରିୟତା ଯୋଗୁଁ ଥାନାକୁ ଯିବାକୁ ଇଚ୍ଛୁକ ହେଉନାହାଁନ୍ତି।

** ଅବାଧ ଗୋ-ଚାଲାଣ**
ନିମିକି ସଡ଼କ ଗୋ-ଚାଲାଣକାରୀଙ୍କ ପାଇଁ “ନିରାପଦ ରାସ୍ତା” ହୋଇଯାଇଛି। ଅନନ୍ତପୁରରୁ ବଙ୍କାଖେତୁରୀ ପର୍ଯ୍ୟନ୍ତ ବୁଲୁଥିବା ଷଣ୍ଢ ଓ ଗାଈଙ୍କୁ ଅସାଧୁ ବ୍ୟବସାୟୀମାନେ ବଳପୂର୍ବକ ଅପହରଣ କରି ବିକ୍ରି କରୁଛନ୍ତି। ଘଟଣା ଘଟିବାର ଘଣ୍ଟା ଘଣ୍ଟା ବିଳମ୍ବରେ ପୋଲିସ ପହଞ୍ଚିବା ଓ କେବଳ ମୋକଦ୍ଦମା ଦାଖଲ କରି ନିଷ୍କ୍ରିୟ ରହିବା ଏହାର ମୁଖ୍ୟ କାରଣ।

ପୂର୍ବାଞ୍ଚଳ ବିକାଶ ପରିଷଦର ଦାବି
ଏହି ପରିସ୍ଥିତିରେ ପୂର୍ବାଞ୍ଚଳ ବିକାଶ ପରିଷଦ ୨୪x୭ ପେଟ୍ରୋଲିଂ, କାନକଟାରେ ନୂଆ ଫାଣ୍ଡି ପ୍ରତିଷ୍ଠା, ଗୋପାଳପୁର ଥାନାର ସୀମା ବିସ୍ତାର ଓ କସବା ଫାଣ୍ଡିକୁ ଥାନାରେ ରୂପାନ୍ତରିତ କରିବାକୁ ଦାବି କରିଛି। ସରକାରୀ ମଦ ଦୋକାନ ବନ୍ଦ କରିବା ସହିତ ଗ୍ରାମାଞ୍ଚଳରେ ଚୋରା ମଦ କାରବାର ବିରୁଦ୍ଧରେ କଠୋର ଗ୍ରହଣ କରିବାକୁ ପରିଷଦ ଦାବି କରିଛି। ଯଦି ଏନେଇ ତୁରନ୍ତ କାର୍ଯ୍ୟାନୁଷ୍ଠାନ ନିଆନଯାଏ, ତେବେ ଆଇନ୍ ଅମାନ୍ୟ ଆନ୍ଦୋଳନ କରାଯିବ ବୋଲି ପରିଷଦର ଆବାହକ ବିପିନ ବିହାରୀ ଦାସ ଚେତାବନୀ ଦେଇଛନ୍ତି।