ଆସନ୍ତା ମାସରେ ପ୍ରାୟ ୧ ଲକ୍ଷ ଘର ବଣ୍ଟିବେ ଓଡ଼ିଶା ସରକାର

ଭୁବନେଶ୍ୱର(ସଂକେତ ଟିଭି): ଆସନ୍ତା ମାସରେ ରାଜ୍ୟ ସରକାର ଆଉ ଏକ ଲକ୍ଷ ଘର ବାଣ୍ଟିବେ। ଏହି ଯୋଜନା ଅନୁଯାୟୀ, ଆଗାମୀ ୩ ବର୍ଷରେ ପ୍ରାୟ ୫ ଲକ୍ଷ ଲୋକଙ୍କୁ ଘର ମିଳିବ। ଏହି ସମ୍ବନ୍ଧରେ ପଞ୍ଚାୟତିରାଜ ମନ୍ତ୍ରୀ ରବି ନାରାୟଣ ନାୟକ ଆଜି ସୂଚନା ଦେଇଛନ୍ତି।

ମୁଖ୍ୟମନ୍ତ୍ରୀ ଅନ୍ତ୍ୟୋଦୟ ଗୃହ ଯୋଜନା ଅନ୍ତର୍ଗତ ଏହି ପ୍ରକ୍ରିୟାରେ ଆଉ ଏକ ଲକ୍ଷ ହିତାଧିକାରୀଙ୍କୁ ସାମିଲ କରାଯିବ। ଏଥିରେ ଶାରୀରିକ ଅକ୍ଷମତା ଥିବା ବ୍ୟକ୍ତି, ପ୍ରାକୃତିକ ବିପର୍ଯ୍ୟୟରେ କ୍ଷତିଗ୍ରସ୍ତ ଲୋକ ଏବଂ ପଦ୍ମଶ୍ରୀ ଭଳି ପୁରସ୍କାରପ୍ରାପ୍ତ ବ୍ୟକ୍ତିମାନଙ୍କୁ ଅଧିକ୍ରମ ଦିଆଯାଇଛି। ପ୍ରଥମ ପର୍ଯ୍ୟାୟରେ ପୂର୍ବରୁ ୬୦ ହଜାର ହିତାଧିକାରୀଙ୍କୁ ଏହି ଯୋଜନାରେ ସାମିଲ କରାଯାଇଥିଲା।

ମନ୍ତ୍ରୀ ନାୟକ କହିଛନ୍ତି ଯେ, ଆବାସ ସର୍ଭେ ମେ ମାସ ଶେଷ ଯାଏଁ ଚାଲିବ। ଏବେ ଯାଏଁ ପ୍ରାୟ ୨୯ ଲକ୍ଷ ହିତାଧିକାରୀ ସର୍ଭେରେ ଯୋଗ ଦେଇଛନ୍ତି। ଅଧିକ ଲୋକଙ୍କୁ ସର୍ଭେ ସହିତ ଯୋଗ ଦେବାକୁ ବ୍ୟାପକ ସଚେତନତା ଅଭିଯାନ ମଧ୍ୟ ଚାଲିଛି।