ଇଂଲଣ୍ଡ ବିରୁଦ୍ଧରେ ଟେଷ୍ଟ ସିରିଜ୍ ପାଇଁ ଭାରତୀୟ ଦଳ ଘୋଷିତ: ଶୁଭମାନ୍ ଗିଲ୍ ଅଧିନାୟକ

ନୂଆଦିଲ୍ଲୀ (ସଂକେତ ଟିଭି): ଭାରତୀୟ ପୁରୁଷ ଟେଷ୍ଟ ଦଳର ମନୋନୟନ କମିଟି ଇଂଲଣ୍ଡରେ ଖେଳାଯାଉଥିବା ପାଞ୍ଚ ମ୍ୟାଚ୍ ଟେଷ୍ଟ ସିରିଜ୍ ପାଇଁ ୧୮ ସଦସ୍ୟଙ୍କୁ ନେଇ ଗଠିତ ଦଳ ଘୋଷଣା କରିଛନ୍ତି। ଯୁବ ବ୍ୟାଟ୍ସମ୍ୟାନ୍ ଶୁଭମାନ୍ ଗିଲ୍କୁ ଟେଷ୍ଟ ଦଳର କପ୍ତାନ ଭାବେ ନିଯୁକ୍ତି ଦିଆଯାଇଛି, ଜଣେ ଅନୁଭବୀ ୱିକେଟ୍-କିପର୍ ଋଷଭ ପାଣ୍ଟ୍କୁ ଉପ-କପ୍ତାନ ଭାବେ ଦାୟିତ୍ୱ ମିଳିଛି।

ଭାରତର ଟେଷ୍ଟ ଦଳ:
ଶୁଭମାନ୍ ଗିଲ୍ (କପ୍ତାନ), ଋଷଭ ପାଣ୍ଟ୍ (ଉପ-କପ୍ତାନ ଏବଂ ୱିକେଟ୍-କିପର୍), ଯଶସ୍ୱୀ ଜାଇସ୍ୱାଲ୍, କେଏଲ୍ ରାହୁଲ୍, ସାଇ ସୁଧର୍ଶନ୍, ଅଭିମନ୍ୟୁ ଈଶ୍ୱରନ୍, କରୁଣ ନାୟର୍, ନିତିଶ୍ ରେଡ୍ଡୀ, ରବିନ୍ଦ୍ର ଜାଡେଜା, ଧ୍ରୁବ ଜୁରେଲ୍ (ୱିକେଟ୍-କିପର୍), ୱାସିଙ୍ଗଟନ୍ ସୁନ୍ଦର୍, ଶାର୍ଦୁଲ୍ ଠାକୁର୍, ଜାସପ୍ରୀତ୍ ବୁମ୍ରାହ୍, ମୋହମ୍ମଦ୍ ସିରାଜ୍, ପ୍ରସିଦ୍ଧ କୃଷ୍ଣା, ଆକାଶ୍ ଦୀପ୍, ଅର୍ଶଦୀପ୍ ସିଂହ, କୁଲଦୀପ୍ ୟାଦବ୍।

ମ୍ୟାଚ୍ ସୂଚୀ:
ପ୍ରଥମ ଟେଷ୍ଟ ଜୁନ ୨୦ରୁ ଲିଡ୍ସ୍ ରେ ଆରମ୍ଭ ହେବ। ଦ୍ୱିତୀୟ ଟେଷ୍ଟ ଜୁଲାଇ ୨ରେ ବର୍ମିଂହାମ୍ରେ ଖେଳାଯିବ। ତୃତୀୟ ଟେଷ୍ଟ ଜୁଲାଇ ୧୦ରେ ଲର୍ଡସ୍ରେ ହେବ। ଚତୁର୍ଥ ଟେଷ୍ଟ ଜୁଲାଇ ୨୩ରେ ଓଲ୍ଡ ଟ୍ରାଫୋର୍ଡ୍ରେ ଏବଂ ପଞ୍ଚମ ଟେଷ୍ଟ ଜୁଲାଇ ୩୧ରେ ଓଭାଲ୍ରେ ଖେଳାଯିବ। ପ୍ରତ୍ୟେକ ମ୍ୟାଚ୍ ଭାରତୀୟ ସମୟ ଅନୁସାରେ ଅପରାହ୍ନ ୩.୩୦ଟାରେ ଆରମ୍ଭ ହେବ।