ରାଜ୍ୟ ସରକାରଙ୍କ ବିଫଳତାର ଲମ୍ବା ତାଲିକା ଥୋଇଲେ ନବୀନ

ଭୁବନେଶ୍ବର (ସଂକେତ ଟିଭି): ବିଜୁ ଜନତା ଦଳ (ବିଜେଡି)ର ଜନଜାଗରଣ କାର୍ଯ୍ୟକ୍ରମରେ ଦଳୀୟ ସୁପ୍ରିମୋ ଓ ବିରୋଧୀ ଦଳ ନେତା ନବୀନ ପଟ୍ଟନାୟକ ରାଜ୍ୟ ସରକାରଙ୍କ ନୀତିକୁ ତୀବ୍ର ଭାବେ ସମାଲୋଚନା କରିଛନ୍ତି। ଶଙ୍ଖ ଭବନରେ ଆୟୋଜିତ ଏହି କାର୍ଯ୍ୟକ୍ରମରେ ନବୀନ କହିଛନ୍ତି, “ଗଣତନ୍ତ୍ରରେ ଲୋକମାନେ ହେଉଛନ୍ତି ମାଲିକ। କିନ୍ତୁ ବର୍ତ୍ତମାନର ସରକାର ଲୋକଙ୍କ ପ୍ରତି ଉପେକ୍ଷା କରୁଛନ୍ତି।”

ସ୍ୱାସ୍ଥ୍ୟ ଓ ମିଶନ ଶକ୍ତିରେ ଅବହେଳା
ନବୀନ ପଟ୍ଟନାୟକ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା (BSKY)ର ସଫଳତାକୁ ଉଲ୍ଲେଖ କରି କହିଛନ୍ତି, “ଆମ ସରକାର ସମୟରେ ୯୦% ଲୋକ ମାଗଣା ଚିକିତ୍ସା ପାଉଥିଲେ। ଆଜି ଆୟୁଷ୍ମାନ ଭାରତ ଯୋଜନାରେ ଏହି ସୁବିଧା ନାହିଁ।” ସେ ମିଶନ ଶକ୍ତି କାର୍ଯ୍ୟକ୍ରମର ଦୁର୍ବଳତା ଉପରେ ମଧ୍ୟ ଆଙ୍ଗୁଳି ଉଠାଇଛନ୍ତି, “୭୦ ଲକ୍ଷ ମହିଳା ସଶକ୍ତ ହୋଇଥିଲେ, କିନ୍ତୁ ଏବେ ସେମାନେ ବ୍ୟାଙ୍କ ଓ ସରକାରୀ ଦପ୍ତରରେ ହଇରାଣ।”

କୃଷି ଓ ଆର୍ଥିକ ପରିଚାଳନାରେ ବିଫଳତା
ନିର୍ବାଚନୀୟ ପ୍ରତିଶ୍ରୁତି ପୂରଣ ନକରିବାକୁ ଲକ୍ଷ୍ୟ କରି ନବୀନ ପଟ୍ଟନାୟକ ପ୍ରଶ୍ନ ଛুঁଡ଼ିଛନ୍ତି, “କଟନୀ ଛଟନୀ ବନ୍ଦ ହୋଇଛି କି? ଚାଷୀମାନେ MSP ପାଇବାରେ ହଇରାଣ।” ସେ ଆହୁରି ମଧ୍ୟ କହିଛନ୍ତି, “ଆମ ସରକାର ସମୟରେ ରାଜ୍ୟର ଋଣ ବୋଝ ୪୫ ହଜାର କୋଟିରେ ସ୍ଥିର ରହିଥିଲା, କିନ୍ତୁ ଏବେ ଅର୍ଥନୀତି ଅସ୍ଥିର।”

ବିଜେଡିର ପ୍ରତିଶ୍ରୁତି: ଲୋକଙ୍କ ସାଥିରେ ରହିବା
ନବୀନ ପଟ୍ଟନାୟକ ଜୋର୍ ଦେଇ କହିଛନ୍ତି, “ବିଜେଡି ଏକ ଦାୟିତ୍ୱବାନ ବିରୋଧୀ ଦଳ ଭାବରେ ଲୋକଙ୍କ ସ୍ୱାର୍ଥରେ ଲଢ଼ିବ। ଲୋକେ ଚେତିଛନ୍ତି ଏବଂ ସରକାରକୁ ଜବାବଦେହି କରିବେ।” ସେ ଦଳୀୟ କର୍ମୀଙ୍କୁ ଲୋକଙ୍କ ସେବାରେ ନିୟୋଜିତ ରହିବାକୁ ଆହ୍ୱାନ ଦେଇଛନ୍ତି।