ପୁରୀରେ ରଥ ଟାଣିଲେ ବ୍ୟବସାୟୀ ଗୌତମ ଅଦାନୀ

ପୁରୀ (ସଂକେତ ଟିଭି): ଗତକାଲିଠାରୁ ପୁରୀରେ ଆରମ୍ଭ ହୋଇଛି ବିଶ୍ବପ୍ରସିଦ୍ଧ ରଥଯାତ୍ରା। ବିଶ୍ବର କୋଣଅନୁକୋଣରୁ ଭକ୍ତମାନେ ଶ୍ରୀଜିଉଙ୍କ ଦର୍ଶନ ପାଇଁ ପୁରୀ ଆସୁଛନ୍ତି। ଆଜି କାଳିଆର ଦର୍ଶନ କରିବାକୁ ପୁରୀରେ ପହଞ୍ଚିଛନ୍ତି କୋଟିପତି ବ୍ୟବସାୟୀ ଗୌତମ ଅଦାନୀ।

‘ଅଦାନୀ ଗ୍ରୁପ୍’ ପକ୍ଷରୁ ପୁରୀରେ ପ୍ରସାଦ ସେବା ଆରମ୍ଭ ହୋଇଛି। ଏହି ସେବା ଜୁନ୍ ୨୬ରୁ ଜୁଲାଇ ୮ ପର୍ଯ୍ୟନ୍ତ ଚାଲିବ। ଏଥିରେ ତୀର୍ଥଯାତ୍ରୀଠାରୁ ଆରମ୍ଭ କରି ଆଗଧାଡ଼ିର ଅଧିକାରୀମାନଙ୍କୁ ପ୍ରସାଦ ଯୋଗାଇ ଦିଆଯିବ।

ପ୍ରଭୁ ଜଗନ୍ନାଥଙ୍କ ରଥଯାତ୍ରା ପାଇଁ ଲକ୍ଷ ଲକ୍ଷ ଭକ୍ତ ପୁରୀରେ ଜମା ହୋଇଛନ୍ତି। ଏହି ପର୍ବରେ ଭକ୍ତମାନେ ଜଗନ୍ନାଥ, ବଳଭଦ୍ର ଓ ସୁଭଦ୍ରାଙ୍କ ରଥ ଗୁଣ୍ଡିଚା ମନ୍ଦିରକୁ ଟାଣନ୍ତି। ଏହି କାର୍ଯ୍ୟକ୍ରମ ପାଇଁ କେନ୍ଦ୍ରୀୟ ସଶସ୍ତ୍ର ପୁଲିସ ବାହିନୀର ୮ କମ୍ପାନୀ ସହ ୧୦ ହଜାର ସୁରକ୍ଷା କର୍ମୀ ନିଯୁକ୍ତ ହୋଇଛନ୍ତି।

ଅନ୍ୟ ଆଡେ, ପଶ୍ଚିମବଙ୍ଗର ଦୀଘାରେ ନୂତନ ଜଗନ୍ନାଥ ମନ୍ଦିରରେ ମଧ୍ୟ ରଥଯାତ୍ରା ପାଳନ କରାଯାଉଛି। ଏବର୍ଷ ସେଠାରେ ପ୍ରଥମ ଥର ପାଇଁ ଏହି ଉତ୍ସବ ଅନୁଷ୍ଠିତ ହୋଇଛି।