ରୋଗୀ ଦେଖୁଥିବା ବେଳେ ହୃଦଘାତରେ ମୃତ୍ୟୁବରଣ କଲେ ଡାକ୍ତର

ବାଲେଶ୍ଵର (ସଂକେତ ଟିଭି): ନୀଳଗିରି ଉପଖଣ୍ଡ ଚିକିତ୍ସାଳୟରେ ଶୁକ୍ରବାରରେ ଏକ ଦୁଃଖଦ ଘଟଣା ଘଟିଛି। ଚିକିତ୍ସାଳୟର ସ୍ତ୍ରୀ ଓ ପ୍ରସୂତି ବିଭାଗର ଜଣାଶୁଣା ଡାକ୍ତର ତଥା ବ୍ଲଡ୍ ବ୍ୟାଙ୍କ ଇନଚାର୍ଜ ଡାକ୍ତର ତ୍ରିନାଥ ପାଲ (୫୪) ରୋଗୀ ଦେଖୁଥିବା ବେଳେ ହୃଦଘାତରେ ପ୍ରାଣ ହରାଇଛନ୍ତି।

ଘଟଣାଟି ଆଜି ସକାଳରେ ଚିକିତ୍ସାଳୟର OPD ରୁମରେ ଘଟିଥିଲା। ସେତେବେଳେ ଡାକ୍ତର ପାଲ ରୋଗୀ ପରୀକ୍ଷା କରୁଥିଲେ। ହଠାତ୍ ତାଙ୍କୁ ଛାତିରେ ତୀବ୍ର ଯନ୍ତ୍ରଣା ଅନୁଭବ ହେବାରୁ ସେ ନିଜକୁ ପାଖରେ ଥିବା ପାଖାପାଖୁ କକ୍ଷଭିତରକୁ ନେଇଯାଇଥିଲେ। ସେଠାରେ ତାଙ୍କର ଅବସ୍ଥା ବିଗିଡ଼ିବାରୁ ସେ ମାଡିପଡିଯାଇଥିଲେ।

ଘଟଣା ଜାଣିବା ପରେ ଚିକିତ୍ସାଳୟର ସହଯୋଗୀ କର୍ମଚାରୀ ଓ ସିକ୍ୟୁରିଟି ବାହିନୀ ତାଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ବାଲେଶ୍ଵର ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲେ। ହେଲେ ବାଟରେ ତାଙ୍କର ମୃତ୍ୟୁ ହୋଇଥିବା ବାଲେଶ୍ଵର ଚିକିତ୍ସାଳୟରେ ପହଞ୍ଚିବା ପରେ ଡାକ୍ତରଙ୍କ ମୃତ୍ୟୁ ଘୋଷଣା କରାଯାଇଥିଲା।

ଏହି ଅଭାବନୀୟ ଘଟଣା ଜାଣିବା ପରେ ନୀଳଗିରି ଚିକିତ୍ସାଳୟ ଏବଂ ବାଲେଶ୍ଵର ଚିକିତ୍ସାଳୟରେ ଶୋକର ପରିବେଶ ସୃଷ୍ଟି ହୋଇଛି। ଏହି ଦୁଃଖଦ ଘଟଣାରେ ବାଲେଶ୍ଵର ସାଂସଦ ପ୍ରତାପ ଷଡଙ୍ଗୀ ଚିକିତ୍ସାଳୟ ପହଞ୍ଚି ଡାକ୍ତରଙ୍କ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି। ଡାକ୍ତର ପାଲଙ୍କ ଅକାଳ ମୃତ୍ୟୁ ଚିକିତ୍ସା ଜଗତ ପାଇଁ ଏକ ବଡ଼ କ୍ଷତି ବୋଲି କୁହାଯାଉଛି।