ବଜାରରେ ବିକ୍ରି ହେଉଛି ନକଲି ଔଷଧ, ୪ ବର୍ଷରେ ୧୬୮ ନକଲି ଔଷଧ ଚିହ୍ନଟ

ଭୁବନେଶ୍ୱର (ସଂକେତ ଟିଭି): ରାଜ୍ୟର ବଜାରରେ ନକଲି ଔଷଧ ବିକ୍ରି ଏକ ଗମ୍ଭୀର ଚିନ୍ତାର ବିଷୟ ହୋଇଥିବା ବେଳେ ସ୍ୱାସ୍ଥ୍ୟ ବିଭାଗ ଏଥିରେ ସକ୍ରିୟ ହୋଇଛି। ସ୍ୱାସ୍ଥ୍ୟ ମନ୍ତ୍ରୀ ଶ୍ରୀ ମୁକେଶ ମହାଲିଙ୍ଗ ବିଧାନସଭାକୁ ଦିଆଯାଇଥିବା ଲିଖିତ ଉତ୍ତରରେ ଜଣାଇଛନ୍ତି ଯେ ଗତ ଚାରି ବର୍ଷରେ ରାଜ୍ୟରେ ୧୬୮ଟି ନକଲି ଔଷଧ ଚିହ୍ନଟ ହୋଇଛି। ଏହି ସବୁ ନକଲି ମେଡ଼ିସିନ ମଧ୍ୟରେ ପାନ-୪୦, ପାନଟପ, ଟେଲମା, ପାରାସିଟାମଲ ଇତ୍ୟାଦି ଜନପ୍ରିୟ ଔଷଧ ଅନ୍ତର୍ଭୁକ୍ତ।

ଏହି ସମୟ ମଧ୍ୟରେ ଆଉ ୩୮୮ଟି ନିମ୍ନ ମାନର ଔଷଧ ମଧ୍ୟ ଚିହ୍ନଟ ହୋଇଛି, ଯାହାକି ଆବଶ୍ୟକୀୟ ଗୁଣବତ୍ତା ଓ ପ୍ରଭାବଶାଳୀତାର ମାନଦଣ୍ଡ ପୂରଣ କରିପାରୁନାହିଁ। ଏହିଭଳି ଔଷଧକୁ ‘ମାନକ ଗୁଣବତ୍ତା ବିହୀନ’ ବା NSQ (Not of Standard Quality) ଶ୍ରେଣୀରେ ରଖାଯାଇଛି।

ସରକାରୀ ତଥ୍ୟ ଅନୁଯାୟୀ, ବର୍ଷବାରେ ନକଲି ଔଷଧ ଚିହ୍ନଟ ହେବାର କ୍ରମ ହେଉଛି: ୨୦୨୧ରେ ୭୯ଟି, ୨୦୨୨ରେ ୬୪ଟି, ୨୦୨୩ରେ ୧୪ଟି ଏବଂ ୨୦୨୪ ବର୍ଷରେ ୧୧ଟି। ଏହି ସମୁଦାୟ ନକଲି ଔଷଧ ଜବତ କରି ସରକାର ଅଦାୟ କରିଥିବା ମୂଲ୍ୟର ପ୍ରାୟ ଅଢେଇ କୋଟି ଟଙ୍କାର ଔଷଧ ବାଜେଟ କରିସାରିଛନ୍ତି। ଏହି ପରିସ୍ଥିତିରେ ନାଗରିକଙ୍କୁ ସଚେତନ ହୋଇ କେବଳ ବିଶ୍ୱସ୍ତ ଓ ଲାଇସେନ୍ସପ୍ରାପ୍ତ ଔଷଧ ଦୋକାନରୁ ହିଁ ଔଷଧ କିଣିବାକୁ ସରକାର ପରାମର୍ଶ ଦେଇଛନ୍ତି।