ତ୍ରିରାଷ୍ଟ୍ରୀୟ ଗସ୍ତରେ ପ୍ରଧାନମନ୍ତ୍ରୀ ମୋଦୀ; ଜୋର୍ଡାନରେ ପହଞ୍ଚି ପାଇଲେ ଭବ୍ୟ ସ୍ବାଗତ

ନୂଆଦିଲ୍ଲୀ (ସଂକେତ ଟିଭି): ସୋମବାର ରାତିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତ୍ରିରାଷ୍ଟ୍ରୀୟ ଗସ୍ତର ପ୍ରଥମ ଦେଶ ଜୋର୍ଡାନରେ ପହଞ୍ଚିଛନ୍ତି। ଜୋର୍ଡାନ ରାଜା ଅବଦୁଲ୍ଲା ୨ ଇବନ ଅଲ ହୁସେନଙ୍କ ନିମନ୍ତ୍ରଣରେ ଗୃହୀତ ଏହି ଗସ୍ତରେ ପ୍ରଧାନମନ୍ତ୍ରୀ ଇଥିଓପିଆ ଏବଂ ଓମାନ ମଧ୍ୟ ଯାଇଥିବେ।

ରାଜଧାନୀ ଅମାନର ବିମାନବନ୍ଦରରେ ପ୍ରଧାନମନ୍ତ୍ରୀ ମୋଦୀଙ୍କୁ ଜୋର୍ଡାନର ପ୍ରଧାନମନ୍ତ୍ରୀ ଡକ୍ଟର ବିଶର ଅଲ ଖସାଉନାହ ଏକ ଭବ୍ୟ ସମାରୋହ ମଧ୍ୟରେ ସ୍ବାଗତ ଜଣାଇଥିଲେ। ଏହି ଗସ୍ତ ଭାରତ ଏବଂ ଜୋର୍ଡାନ ମଧ୍ୟରେ କୂଟନୈତିକ ସମ୍ପର୍କ ସ୍ଥାପନର ୭୫ ବର୍ଷ ପୂର୍ତ୍ତି ଉପଲକ୍ଷେ ଅନୁଷ୍ଠିତ ହେଉଛି, ଯାହାକି ଏହି ଦ୍ୱିପାକ୍ଷିକ ସମ୍ପର୍କର ଐତିହାସିକ ମହତ୍ତ୍ଵକୁ ପ୍ରତିଫଳିତ କରୁଛି।

ପ୍ରଧାନମନ୍ତ୍ରୀ ମୋଦୀ ଜୋର୍ଡାନ ରାଜା ଅବଦୁଲ୍ଲାଙ୍କ ସହିତ ବିଶେଷ ଆଲୋଚନା କରିବେ, ଯେଉଁଥିରେ ଦୁଇ ଦେଶ ମଧ୍ୟରେ ସହଯୋଗ ବଢ଼ାଇବା, ବ୍ୟାପାର ଓ ଆର୍ଥିକ ସମ୍ପର୍କ ମଜବୁତ କରିବା ଏବଂ ଆଞ୍ଚଳିକ ବିକାଶ ସହ ବିଭିନ୍ନ ବିଷୟରେ ଚର୍ଚ୍ଚା ହେବ। ଏହି ସଫରରେ କିଛି ନୂତନ ଚୁକ୍ତି ଓ ବୋଧହୁଏ ମଧ୍ୟ ସ୍ୱାକ୍ଷରିତ ହେବାର ସମ୍ଭାବନା ରହିଛି। ଏଥିସହ ସେଠାରେ ବସବାସ କରୁଥିବା ଭାରତୀୟ ପ୍ରବାସୀଙ୍କୁ ସାକ୍ଷାତ କରିବା ମଧ୍ୟ ପ୍ରଧାନମନ୍ତ୍ରୀଙ୍କ କାର୍ଯ୍ୟକ୍ରମରେ ଅନ୍ତର୍ଭୁକ୍ତ।

ଜୋର୍ଡାନ ଗସ୍ତ ଶେଷ କରିବା ପରେ ପ୍ରଧାନମନ୍ତ୍ରୀ ମୋଦୀ ମଙ୍ଗଳବାର (୧୬ ତାରିଖ) ଇଥିଓପିଆ ଯିବେ, ଯାହାକି ତାଙ୍କ ତ୍ରିରାଷ୍ଟ୍ରୀୟ ସଫରର ଦ୍ୱିତୀୟ ଦେଶ ହେବ।