୬୧ ହଜାରରୁ ଅଧିକ ଯୁବକଯୁବତୀଙ୍କୁ ମୋଦୀ ବାଣ୍ଟିଲେ ନିଯୁକ୍ତିପତ୍ର

ନୂଆଦିଲ୍ଲୀ(ସଂକେତ ଟିଭି): ରାଜଧାନୀରେ ଆୟୋଜିତ ୧୮ତମ ରୋଜଗାର ମେଳାର ଅବସରରେ ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୬୧ ହଜାରରୁ ଅଧିକ ଯୁବକ ଯୁବତୀଙ୍କୁ ନିଯୁକ୍ତିପତ୍ର ବାଣ୍ଟିଛନ୍ତି । ବିଭିନ୍ନ ସରକାରୀ ବିଭାଗରେ ନବନିଯୁକ୍ତ ଏହି ଯୁବଶକ୍ତିଙ୍କୁ ଏହି ପତ୍ର ପ୍ରଦାନ କରାଯାଇଛି ।

ଏହି ଉତ୍ସବପୂର୍ଣ୍ଣ ଅବସରରେ ପ୍ରଧାନମନ୍ତ୍ରୀ କହିଛନ୍ତି ଯେ, ବର୍ତ୍ତମାନର ସମୟ ସମ୍ବିଧାନ ପ୍ରତି ଆମର ଦାୟିତ୍ୱକୁ ଆହୁରି ନିକଟତର କରୁଛି । ସେ ୨୪ ଜାନୁଆରୀରେ ‘ଜନ ଗଣ ମନ’କୁ ଜାତୀୟ ସଙ୍ଗୀତ ଏବଂ ‘ବନ୍ଦେ ମାତରମ୍’କୁ ଜାତୀୟ ଗୀତ ଭାବରେ ଗ୍ରହଣ କରାଯାଇଥିବା ଘଟଣାକୁ ସ୍ମରଣ କରାଇଛନ୍ତି ।

ପ୍ରଧାନମନ୍ତ୍ରୀ ମୋଦୀ ଏହି ନିଯୁକ୍ତିପତ୍ରଗୁଡିକୁ ‘ରାଷ୍ଟ୍ର ନିର୍ମାଣ ପାଇଁ ଏକ ନିମନ୍ତ୍ରଣ ପତ୍ର’ ଆଖ୍ୟା ଦେଇ କହିଛନ୍ତି ଯେ ଏହା ଏକ ବିକଶିତ ଭାରତ ଆଡକୁ ଦିଗଦର୍ଶନ ଦେବା ପାଇଁ ଏକ ସଂକଳ୍ପ ପତ୍ର ।

ନିଯୁକ୍ତିପତ୍ର ବାଣ୍ଟିବା ସମୟରେ ପ୍ରଧାନମନ୍ତ୍ରୀ ଆହୁରି କହିଛନ୍ତି, “ଗତ ୫-୭ ବର୍ଷ ମଧ୍ୟରେ ଯେତେବେଳେ ଆପଣ ସରକାରଙ୍କ ସହିତ ସମ୍ପର୍କ କରିଥିଲେ, ତାହା ସରକାରୀ କାର୍ଯ୍ୟାଳୟ ହେଉ କିମ୍ବା କୌଣସି ଉପାୟରେ, କିଛି ଅସୁବିଧାରେ ସମ୍ମୁଖୀନ ହୋଇଥିଲେ କିମ୍ବା କିଛି ତ୍ରୁଟି ଲକ୍ଷ୍ୟ କରିଥିଲେ…” ପ୍ରଧାନମନ୍ତ୍ରୀ ଏହି ପ୍ରକ୍ରିୟାର ସରଳୀକରଣ ଓ ପାରଦର୍ଶିତା ଉପରେ ମଧ୍ୟ ଗୁରୁତ୍ୱ ଦେଇଛନ୍ତି ।