ଦକ୍ଷିଣ ଆଫ୍ରିକା ବିପକ୍ଷରେ ଭାରତର ଲଜ୍ଜାଜନକ ପରାଜୟ, ହାରିଲା ଟେଷ୍ଟ୍ ସିରିଜ୍
ଗୌହାଟୀ (ସଂକେତ ଟିଭି): ଦକ୍ଷିଣ ଆଫ୍ରିକା ବିପକ୍ଷରେ ଗୌହାଟୀରେ ଅନୁଷ୍ଠିତ ଟେଷ୍ଟ୍ ମ୍ୟାଚ୍ ଏବଂ ସିରିଜ୍ରେ ଲଜ୍ଜାଜନକ ପରାଜୟ ବରଣ କଲା ଭାରତୀୟ କ୍ରିକେଟ୍ ଦଳ । ଦ୍ୱିତୀୟ ଟେଷ୍ଟ୍ରେ ୪୦୮ ରନ୍ରେ ପରାଜିତ ହୋଇ ଭାରତ ସିରିଜ୍ଟିକୁ ୨-୦ ଅନୁପାତରେ ହାରିଲା ।
ଟସ୍ ଜିତି ପ୍ରଥମେ ବ୍ୟାଟିଂ କରିଥିଲା ଦକ୍ଷିଣ ଆଫ୍ରିକା । ଦୁଇ ଓପନର ଭଲ ଆରମ୍ଭ ପରେ ମଧ୍ୟ ଦଳର ପ୍ରଥମ ଓ଼ିକେଟ୍ ୮୨ ରନ୍ରେ ଝଡିଥିଲା । କିନ୍ତୁ ତା’ପରେ ଦାଉଦ ମୁଥୁସାମୀ (୧୦୯) ଏବଂ ମାର୍କୋ ଜାନସେନ୍ (୯୩) ମିଶି ବିସ୍ଫୋରକ ବ୍ୟାଟିଂ କରି ଭାରତୀୟ ବୋଲିଂକୁ ନିଃଶଙ୍କ ଧର୍ଷଣ କଲେ । ଷ୍ଟବସ୍ (୪୯) ଏବଂ ଟେମ୍ବା ବାଭୁମା ମଧ୍ୟ ଭଲ ଅବଦାନ ଦେଇ ଦଳକୁ ୪୮୯ ରନ୍ ଏବଂ ପରେ ୫୪୯ ରନ୍ର ବିଜୟ ଲକ୍ଷ୍ୟ ଦେବାରେ ସହାୟକ ହେଲେ । ଭାରତୀୟ ବୋଲରମାନେ ବ୍ରେକଥ୍ରୁ ଦେବାରେ ସମ୍ପୂର୍ଣ୍ଣ ବିଫଳ ହୋଇଥିଲେ ।
ପ୍ରଥମ ଇନିଂସରେ ଭାରତ ମାତ୍ର ୨୦୧ ରନ୍ କରିପାରିଥିଲା, ଯାହା ଫଳରେ ଦଳ ୨୮୮ ରନ୍ରେ ପଛୁଆ ରହିଥିଲା । ଦ୍ୱିତୀୟ ଇନିଂସରେ ବିଜୟ ଲକ୍ଷ୍ୟ ଥିଲା ୫୪୯ ରନ୍, କିନ୍ତୁ ଭାରତୀୟ ବ୍ୟାଟିଂ ଏକ ଦୁର୍ବଳ ଛବି ପ୍ରଦର୍ଶନ କଲା । ଓପନର୍ମାନେ ଶୀଘ୍ର ଆଉଟ୍ ହୋଇଯିବା ପରେ ମଧ୍ୟରକ୍ଷଣରେ ମଧ୍ୟ କେହି ବ୍ୟାଟ୍ସମ୍ୟାନ୍ ବଡ଼ ସ୍କୋର କରିପାରିଲେ ନାହିଁ । ରବୀନ୍ଦ୍ର ଜାଡେଜା ଏକମାତ୍ର ଦୃଢ଼ ପ୍ରତିକ୍ରିୟା ଦେଇ ଅର୍ଦ୍ଧଶତକ ହାସଲ କରିଥିଲେ, କିନ୍ତୁ ଅନ୍ୟମାନେ ତାଙ୍କୁ କୌଣସି ଯୋଗ୍ୟ ସାଥ୍ ଦେଇପାରିନଥିଲେ । ଫଳସ୍ୱରୂପ, ଦଳ ମାତ୍ର ୧୪୦ ରନ୍ରେ ଅଲାଉଟ୍ ହୋଇଯାଇଥିଲା ଏବଂ ମ୍ୟାଚ୍ ୪୦୮ ରନ୍ରେ ହାରିଥିଲା ।
ଦ୍ୱିତୀୟ ଇନିଂସରେ ଦକ୍ଷିଣ ଆଫ୍ରିକାର ସିମନ୍ ହାର୍ମର୍ ଭାରତୀୟ ବ୍ୟାଟିଂକୁ ଧ୍ୱଂସ କରି ୬ଟି ଓ଼ିକେଟ୍ ନେଇଥିଲେ । କେସବ ମହାରାଜ ଦୁଇଟି ଏବଂ ମାର୍କୋ ଜାନସେନ୍ ଗୋଟିଏ ଓ଼ିକେଟ୍ ନେଇଥିଲେ । ଅନ୍ୟ ପକ୍ଷରେ, ଭାରତ ପକ୍ଷରୁ କୁଲଦୀପ ଯାଦବ ସର୍ବାଧିକ ୪ଟି ଓ଼ିକେଟ୍ ନେଇଥିବା ବେଳେ ରବୀନ୍ଦ୍ର ଜାଡେଜା ଦୁଇଟି ଓ଼ିକେଟ୍ ହାସଲ କରିଥିଲେ । ଏହି ପରାଜୟ ଭାରତୀୟ ଦଳ ପାଇଁ ଏକ ବଡ଼ ଚିନ୍ତାର ବିଷୟ ଭାବରେ ଚିହ୍ନିତ ହେଲା ।
