ଭାରତ-ଆମେରିକା ବାଣିଜ୍ୟ ଚୁକ୍ତି: ୫୦୦ରୁ ଅଧିକ ପଦାର୍ଥ ଆମେରିକାରେ ଶୁଳ୍କମୁକ୍ତ

ନୂଆଦିଲ୍ଲୀ(ସଂକେତ ଟିଭି): ଭାରତ ଏବଂ ଆମେରିକା ମଧ୍ୟରେ ହେବାକୁ ଥିବା ଐତିହାସିକ ବାଣିଜ୍ୟ ଚୁକ୍ତି ଭାରତୀୟ ରପ୍ତାନି କ୍ଷେତ୍ର ପାଇଁ ବିଶାଳ ସୁଯୋଗ ସୃଷ୍ଟି କରିଛି । କେନ୍ଦ୍ର ବାଣିଜ୍ୟ ମନ୍ତ୍ରୀ ପୀୟୂଷ ଗୋୟଲ ଏହି ଚୁକ୍ତି ଅନ୍ତର୍ଗତ ପାରସ୍ପରିକ ଟାରିଫ୍ ହାର ୫୦%ରୁ କମାଇ ୧୮% କରାଯିବା ଓ ପଡୋଶୀ ଦେଶଙ୍କ ତୁଳନାରେ ଏହା ଅତ୍ୟନ୍ତ କମ୍ ଥିବା ସମ୍ବନ୍ଧରେ ଶନିବାର ସ୍ପଷ୍ଟ କରିଛନ୍ତି ।

ମନ୍ତ୍ରୀ ଗୋୟଲ ଏକ ବିସ୍ତୃତ ତାଲିକା ପ୍ରକାଶ କରିଛନ୍ତି ଯେଉଁଥିରେ ସେହି ୫୦୦ରୁ ଅଧିକ ଭାରତୀୟ ପଦାର୍ଥ ଅଛନ୍ତି ଯାହା ଆମେରିକାରେ ଶୁଳ୍କମୁକ୍ତ ଭାବେ ପ୍ରବେଶ କରିପାରିବ । ଏହି ତାଲିକାରେ ରତ୍ନ ଓ ହୀରା, ଫାର୍ମାସ୍ୟୁଟିକାଲ୍ସ (ଔଷଧ), ବିମାନ ଯନ୍ତ୍ରାଂଶ, ସ୍ମାର୍ଟଫୋନ୍ ଏବଂ କୃଷିଜାତ ଦ୍ରବ୍ୟ ଯଥା ମସଲା, ଚା’, କଫି, ନଡ଼ିଆ ଓ ନଡ଼ିଆ ତେଲ, କାଜୁ, ଆମ୍ବ, କଦଳୀ, ସପୁରୀ, ଛତୁ ଏବଂ କିଛି ବେକେରୀ ସାମଗ୍ରୀ ରହିଛି ।

ମନ୍ତ୍ରୀ ଗୋୟଲ ଆଶ୍ୱାସ୍ତ କରାଇଛନ୍ତି ଯେ ଚୁକ୍ତିରେ ଭାରତର ସମ୍ବେଦନଶୀଳ କୃଷି ଏବଂ ଦୁଗ୍ଧଜାତ ଦ୍ରବ୍ୟ କ୍ଷେତ୍ରକୁ ସମ୍ପୂର୍ଣ୍ଣ ସୁରକ୍ଷା ପ୍ରଦାନ କରାଯାଇଛି । ଆମେରିକାରୁ ଆସୁଥିବା କୃଷି ପଦାର୍ଥ ଉପରେ କୌଣସି ଶୁଳ୍କ ରିହାତି ଦିଆଯାଇନାହିଁ ଏବଂ କୌଣସି ଜେନେଟିକାଲି ମୋଡିଫାଏଡ୍ (GM) ଉତ୍ପାଦକୁ ଭାରତରେ ଅନୁମତି ମିଳିବ ନାହିଁ ।

ଅନ୍ୟପକ୍ଷରେ, ଜେନେରିକ୍ ଔଷଧ ଏବଂ ଅଟୋ ଯନ୍ତ୍ରାଂଶ ଉପରେ ଶୁଳ୍କ ରିହାତି ଯୋଗୁଁ ‘ମେକ୍ ଇଣ୍ଡିଆ’ ଅଭିଯାନ ଆହୁରି ମଜବୁତ ହେବ ବୋଲି ମନ୍ତ୍ରୀ କହିଛନ୍ତି । ଏହି ଚୁକ୍ତି ଅନୁଯାୟୀ, ଭାରତ ଆଗାମୀ ୫ ବର୍ଷ ମଧ୍ୟରେ ଆମେରିକାରୁ ପ୍ରାୟ ୫୦୦ ବିଲିୟନ ଡଲାର ମୂଲ୍ୟର ଶକ୍ତି, ବିମାନ ଓ ପ୍ରଯୁକ୍ତିବିଦ୍ୟା ସାମଗ୍ରୀ କ୍ରୟ କରିବାକୁ ଲକ୍ଷ୍ୟ ରଖିଛି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନିକଟରେ ଏହି ବାଣିଜ୍ୟ ଚୁକ୍ତି ଘୋଷଣା କରିଥିଲେ । ଏହି ବୁଝାମଣା ଦୁଇ ଦେଶ ମଧ୍ୟରେ ବାଣିଜ୍ୟ ଓ ଆର୍ଥିକ ସହଯୋଗକୁ ଏକ ନୂତନ ଉଚ୍ଚତାରେ ନେଇଯିବା ଆଶା କରାଯାଉଛି ।

✳Under the India–US Trade Deal, Indian farmers remain fully protected, with no market access concessions on spices

✳India–US Trade Deal ensures full protection for Indian farmers, with no entry granted for vegetables. Dried vegetables, beans and pulses, as well as roots and… pic.twitter.com/nInmOmaFIG

— PIB India (@PIB_India) February 7, 2026