ଡ୍ରାଇଭର ଆନ୍ଦୋଳନକୁ ଭଣ୍ଡୁର କରିବାକୁ ଚେଷ୍ଟା କରୁଛନ୍ତି ରାଜ୍ୟ ସରକାର: ରାହୁଲ ଗାନ୍ଧୀ
ଭୁବନେଶ୍ୱର (ସଂକେତ ଟିଭି): କଂଗ୍ରେସ ନେତା ରାହୁଲ ଗାନ୍ଧୀ ଆଜି ଓଡିଶା ସରକାରକୁ ଟାର୍ଗେଟ କରି ଡ୍ରାଇଭର ଆନ୍ଦୋଳନକୁ ଭଣ୍ଡୁର କରିବାକୁ ଚେଷ୍ଟା କରିଥିବାର ଅଭିଯୋଗ କରିଛନ୍ତି। ଏକ ସମାବେଶରେ ସମ୍ବୋଧନ କରି ସେ କହିଛନ୍ତି ଯେ ସରକାର ଡ୍ରାଇଭର ମହାସଂଘ ଉପରେ ଚାପ ସୃଷ୍ଟି କରି ସେମାନଙ୍କ ସମାବେଶକୁ ବାଧା ଦେବାକୁ ଚେଷ୍ଟା କରିଥିଲେ।
ରାହୁଲ ଗାନ୍ଧୀ କହିଛନ୍ତି, “ଡ୍ରାଇଭର ମହାସଂଘ ସରକାରଙ୍କ ଚାପକୁ ଅଣଦେଖା କରି ନିଜ ଅଧିକାର ପାଇଁ ସଂଘର୍ଷ ଜାରି ରଖିଛନ୍ତି। ସେମାନଙ୍କ ସାହସିକତାକୁ ମୁଁ ହୃଦୟରୁ ଧନ୍ୟବାଦ ଜଣାଉଛି।” ସେ ସରକାରଙ୍କୁ ଡ୍ରାଇଭରମାନଙ୍କ ନ୍ୟାୟସଙ୍ଗତ ଦାବିକୁ ଗୁରୁତ୍ୱ ଦେବାକୁ ଆହ୍ୱାନ ଦେଇଛନ୍ତି।
ତାଙ୍କ ବକ୍ତବ୍ୟରେ ରାହୁଲ ଜୋର ଦେଇ କହିଛନ୍ତି ଯେ ସରକାର ଶ୍ରମିକଙ୍କ ସମସ୍ୟା ଉପରେ ଗମ୍ଭୀରତା ସହିତ ଧ୍ୟାନ ଦେଇ ଦ୍ରୁତ ସମାଧାନ ଆଣିବା ଉଚିତ। ଏହି ଆନ୍ଦୋଳନ ଦେଶର ବିଭିନ୍ନ ଅଞ୍ଚଳରେ ଡ୍ରାଇଭରମାନଙ୍କ ମଧ୍ୟରେ ବ୍ୟାପକ ସମର୍ଥନ ପାଇଛି ବୋଲି ସେ ମଧ୍ୟ ଉଲ୍ଲେଖ କରିଛନ୍ତି।
