ମୋଦୀଙ୍କ ଗସ୍ତ ପାଇଁ ଝାରସୁଗୁଡ଼ାରେ ଜୋରଦାର ପ୍ରସ୍ତୁତି

ଝାରସୁଗୁଡ଼ା (ସଂକେତ ଟିଭି): ଆସନ୍ତା ୨୭ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଝାରସୁଗୁଡ଼ା ଆଗମନ କରିବେ। ଏଥିପାଇଁ ଅମଲିପାଲୀସ୍ଥିତ ପଡ଼ିଆରେ ସଭା ପ୍ରସ୍ତୁତି ଜୋରସୋରରେ ଚାଲିଛି।

ଆଜି, ରାଜସ୍ବ ମନ୍ତ୍ରୀ ସୁରେଶ ପୂଜାରୀ, ମୁଖ୍ୟ ଶାସନ ସଚିବ ମନୋଜ ଆହୁଜା, ପୁଲିସ ଏଡିଜି ସନ୍ତୋଷ ବାର୍ଲା ଏବଂ ଅନ୍ୟ ବରିଷ୍ଠ କର୍ମଚାରୀଙ୍କୁ ନେଇ ଗଠିତ ଏକ ଟିମ୍ ବିମାନଯୋଗେ ଝାରସୁଗୁଡ଼ା ପହଞ୍ଚି ସଭା ସ୍ଥଳୀର ସମୀକ୍ଷା କରିଛନ୍ତି। ଉତ୍ତରାଞ୍ଚଳ ରାଜସ୍ବ କମିଶନର ସଚିନ ରାମଚନ୍ଦ୍ର ଯାଦବ, ପୁଲିସ ଆଇଜି ହିମାଂଶୁ ଲାଲ, ଜିଲ୍ଲାପାଳ କୁନାଲ ମୋତିରାମ ଚୌହ୍ୱାନ, ଏସପି ଗୁଣ୍ଡାଲା ରେଡ୍ଡୀ ରାଘବେନ୍ଦ୍ର, ଆଇଏଏସ୍ ଅରବିନ୍ଦ ଅଗ୍ରୱାଲ୍ ଓ ପୂର୍ତ୍ତ ସଚିବଙ୍କୁ ମଧ୍ୟ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ।

ପ୍ରଶାସନିକ ଦଳ ପ୍ରଧାନମନ୍ତ୍ରୀଙ୍କ ଆଗମନ ରୁଟ୍ ରହିଥିବା ରାସ୍ତା ଏବଂ ପାର୍କିଂ ସ୍ଥଳର ସମୀକ୍ଷା କରିଛନ୍ତି। କାର୍ଯ୍ୟକ୍ରମ ସୁଚାରୁ ରୂପେ ପରିଚାଳିତ ହେବା ଏବଂ ଯୋଗଦାନକାରୀ ଲୋକଙ୍କୁ କୌଣସି ଅସୁବିଧା ନହେବା ଦିଗରେ ଆବଶ୍ୟକୀୟ ପଦକ୍ଷେପ ନେବାକୁ ପ୍ରଶାସନକୁ ପରାମର୍ଶ ଦିଆଯାଇଛି।

ରାଜସ୍ବ ମନ୍ତ୍ରୀ ଶ୍ରୀ ପୂଜାରୀ ଗଣମାଧ୍ୟମକୁ ଦିଆଯାଇଥିବା ବିବୃତ୍ତି ଅନୁଯାୟୀ, ୨୭ ତାରିଖରେ ପ୍ରଭାତ ୧୧ଟା ବେଳେ ପ୍ରଧାନମନ୍ତ୍ରୀ ଝାରସୁଗୁଡ଼ା ବିମାନବନ୍ଦରରେ ଅବତରଣ କରି ସିଧାସଳଖ ସଭାସ୍ଥଳକୁ ପହଞ୍ଚିବେ। ପ୍ରାୟ ଏକ ଘଣ୍ଟା ଧରି ଚାଲିବା ଏହି କାର୍ଯ୍ୟକ୍ରମରେ ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉନ୍ମୋଚନ ହେବ। ଏଥିସହ ପ୍ରଧାନମନ୍ତ୍ରୀ ଏକ ଯୁବ ସମାବେଶରେ ଯୁବସମାଜଙ୍କୁ ସମ୍ବୋଧିତ କରିବେ।