କଟକରେ ସେପ୍ଟେମ୍ବର ୨୮ରୁ ଦୁର୍ଗାପୂଜା, ଅକ୍ଟୋବର ୩ରେ ଭସାଣୀ ଉତ୍ସବ
କଟକ (ସଂକେତ ଟିଭି): କଟକ ମହାନଗର ପୂର୍ବାଞ୍ଚଳ ଶାନ୍ତି କମିଟିର ବୈଠକରେ ସେପ୍ଟେମ୍ବର ୨୮ରୁ ଦୁର୍ଗା ପୂଜା ଏବଂ ଅକ୍ଟୋବର ୩ରେ ମାଆଙ୍କ ଭସାଣୀ ଉତ୍ସବ ଅନୁଷ୍ଠିତ ହେବ ବୋଲି ସ୍ଥିର କରାଯାଇଛି। ରବିବାର ଦିନ ଅନୁଷ୍ଠିତ ବୈଠକରେ ବିଭିନ୍ନ ଦୁର୍ଗା ପୂଜା କମିଟିର ସଦସ୍ୟମାନେ ଏହି ନିଷ୍ପତ୍ତି ନେଇଥିଲେ।
ବୈଠକରେ ରାସ୍ତା ଘାଟ ମରାମତି, ବିଦ୍ୟୁତ୍ ସେବା, ପାନୀୟ ଜଳ ଯୋଗାଣ ସହିତ ପୂଜା ସମୟରେ ସୁଗମ ଟ୍ରାଫିକ୍ ବ୍ୟବସ୍ଥା ଉପରେ ମଧ୍ୟ ଆଲୋଚନା ହୋଇଛି। ଶାନ୍ତି କମିଟି ଏଥିପାଇଁ ରାଜନୈତିକ ଦଳ, ପୋଲିସ ପ୍ରଶାସନ ଏବଂ ମେୟରଙ୍କ ସହିତ ପରାମର୍ଶ କରିଛି।
ସେପ୍ଟେମ୍ବର ୨୮ରେ ଆରମ୍ଭ ହେବାକୁ ଥିବା ଶାରଦୀୟ ଦୁର୍ଗା ପୂଜା କଟକର ପ୍ରମୁଖ ଉତ୍ସବ ହେବ। ଏହାପରେ ଅକ୍ଟୋବର ୩ରେ ପାରମ୍ପରିକ ଭସାଣୀ ଉତ୍ସବ ଅନୁଷ୍ଠିତ ହେବ, ଯାହାକି ନଗରବାସୀଙ୍କ ପାଇଁ ଏକ ମୁଖ୍ୟ ଆକର୍ଷଣ ହୋଇଥାଏ।
